web counter
LEXO PA REKLAMA!

SHKARKO APP

App Store
Google Play

Ervin Karamuço zbulon arsyen e rëndomtë/ Pse ndodhin përplasje mes bandave në Fier

13 Shtator 2022, 22:44, Kronika CNA
Ervin Karamuço zbulon arsyen e rëndomtë/ Pse ndodhin
Eksperti dhe profesori i kriminologjisë, Ervin Karamuço

Eksperti dhe profesori i kriminologjisë, Ervin Karamuço, ka folur mbrëmjen e sotme për vrasjet dhe përplasjet mes bandave në Fier, qytet të cilin e konsideroi të dytin më të fuqishmin në vend.

Karamuço tha në emisionin “Inside Story” se nëse ndodhin ngjarje kriminale në Fier, ata kanë një arsye të rëndomtë, sedrën.

“Nëse do flasim ndonjëherë për cenimin e rendit në Fier nga zërat kriminalë, këto bëhen për një gjë të rëndomtë për sedrën…, për sedër publike karshi të tretëve. Vetëm në ngjarjet e fundit kemi kuptuar që siguria e brishtë mes rivalitetit bandave vjen nga ky fakt”, u shpreh profesori i kriminologjisë.

Më tej, ai deklaroi se në Fier grupet kriminale kanë ditur ta mbajnë balancën dhe paqen dhe sipas tij, kjo është edhe arsyeja që nuk ka aq përplasje sa në qytetet e tjera të vendit.

“Ne i kemi quajtur profesorë me plot gojën se jo vetëm kanë dhënë dijen e kanë eksperimentuar gjithçka që ka zënë rrënjë në krim, por kanë mbajtur dhe paqen, dhe ekuilibrat qoftë shqiptare, qoftë rajonale e më gjerë”, tha eksperti, ndërsa nënvizoi se: “Ne e kemi studiuar organizatat e Vlorës e Fierit duke parë ngjashmëri, Vlora me Cosa Nostra dhe Fieri me Draghetan, pse? Vlora ka qenë e dhunshme shumë, vrasje gjyqtarësh, pengmarrje, ekspozim dhune. Fieri është shumë më i qetë, i kamufluar në veprimtari biznesi të mirëfillta”./ B.A. – CNA.al





Lajmet e fundit nga