web counter
LEXO PA REKLAMA!

SHKARKO APP

App Store
Google Play

Atentati me snajper në Durrës/ Pasi fshehu ngjarjen, vjen reagimi i policisë

13 Shtator 2022, 12:22, Kronika CNA
Atentati me snajper në Durrës/ Pasi fshehu ngjarjen, vjen reagimi i
Foto ilustruese

Një ditë pas ngjarjes në Durrës, policia ka dalë me reagimin zyrtar duke mos dhënë shumë detaje, dhe duke thënë se është në kërkim të autorit.

Sipas infromacionit të policisë, ngjarja ka ndodhur në orën 12:00 të mesditës së djeshme dhe është qëlluar me armë zjarri vetëm një herë në drejtim të një automjeti të parkuar, në pronësi të shtetasit B. A., 52 vjeç, banues në Maqedoninë e Veriut.

"Më datë 12.09.2022, rreth orës 12:00, në lagjen nr. 13, Durrës, në rrugën 'Pavarësia', është qëlluar një herë, me armë zjarri, në drejtim të një automjeti të parkuar, në pronësi të shtetasit B. A., 52 vjeç, banues në Maqedoninë e Veriut.

Si rezultat i veprimeve të shpejta hetimore dhe profesionale është bërë i mundur identifikimi i automjetit me të cilin ka lëvizur personi që ka qëlluar në drejtim të automjetit të parkuar.

Vijon puna intensive për kapjen e autorit. Për arsye hetimi, nuk bëjmë me dije të dhëna të tjera.

Theksojmë se në momentin e të shtënës me armë, në automjet nuk ka qenë asnjë person.

Grupi hetimor, nën drejtimin e Prokurorisë pranë Gjykatës së Rrethit Gjyqësor Durrës, vijon punën për zbardhjen dhe dokumentimin e plotë të rrethanave të ngjarjes", thuhet në njoftim./ CNA.al





Lajmet e fundit nga