E fundit!

16:01 Aktualitet

Deklarata skandaloze e ministres serbe/ PD: Të shpallet non grata dhe të paditet për nxitje të genocidit

Partia Demokratike ka reaguar lidhur me deklaratën e minis...

Ekzekutimi i 39-vjeçarit pak metra larg shtëpisë së Veliajt dhe Metës/ Artan Hoxha rrëfen detaje

2 Nëntor 2022, 14:02, Kronika CNA

Ekzekutimi i 39-vjeçarit pak metra larg shtëpisë së

Gazetari Artan Hoxha ka treguar detaje nga vrasja e ndodhur pak ditë më parë në zonën rezidenciale të Kodrës së Diellit, ku mbeti i vrarë shtetasi Briken Sanaj.

Sipas Hoxhës, ngjarja ka ndodhur 20 metër nga shtëpia e kryetarit të bashkisë Erion Veliaj dhe vetëm 50-60 metër nga shtëpia e ish-presidentit, sot kreu i Partisë së Lirisë, Ilir Meta.

“Aty ka plot deputetë, ministra e moderatorë. Aty ke dhe Gardën e Republikës, se jeton ish-presidenti Ilir Meta. Kjo ngjarje ka rrëzuar mitin se Kodra e Diellit është e paprekshme.

Personi i cili është vrarë quhet Skerdilajd Sanaj. Emri tjetër që u tha është Anton Gjini. Në fakt emri i përket Martin Gjini, i cili ka shtëpinë te Kodra e Diellit ku jetonte viktima. Ai jetonte në Itali, atje ka gruan dhe fëmijët, por kur vinte në Shqipëri jetonte në shtëpinë e Martin Gjinit.

Ka hyrë në Shqipëri më datë 16 tetor. Të dielën ishte bërë dasma e Martin Gjinit, që ishte bërë ditën. Ka ardhur me nusen nga Lezha dhe ishte futur në shtëpi nga hyrja e dytë e Kodrës së Diellit. 5 minuta më vonë aty ka ardhur viktima. Nuk e dinte njeri, as familja nuk e dinte që do të vinte.

Në momentin që ka ardhur 'Audi' aty, se ka pasur valixhet e dasmës, është afruar dhe roja t’i ndihmonte t’i shkarkonin sepse nuk ka ashensor. Aty kanë kaluar dy fëmijë, qitësi ka pritur që ata të largohen, ka pritur të ikte shoferi, se Skerdilajdi ka qenë pasagjer, ka pritur dhe rojen të largohet.

Ai është qëlluar nga 5 metra. Ka qëlluar nga 2-3 herë me nga tre plumba. Në vendin e ngjarjes janë gjetur predhat, 3 predha në trotuar. Fuqia e armës ka qenë e madhe se e ka flakur 1.5 metra trupin e Skerdilajdit.

Martin Gjini e ka marrë Skerdilajd Sanajn dhe janë futur për të dalë me urgjencë nga Kodra e Diellit, në sensin e kundërt, në kohën që ka shkuar te trau, përballë ka pasur një makinë dhe është futur ka thyer traun. Autori nuk ka qenë fare aty, traun e theu ky”, ka rrëfyer Hoxha në "ABC news"./CNA.al