web counter
LEXO PA REKLAMA!

SHKARKO APP

App Store
Google Play

E fundit!

x

Ekstradimi në Kinë/ Dyshime për manipulimin e shortit të gjyqtarëve në Apel

15 Nëntor 2022, 14:12, Kronika CNA

Ekstradimi në Kinë/ Dyshime për manipulimin e shortit të

Një zhvillim i papritur lidhur me çështjen e ekstradimit të shtetasit kinez Liangbin Chen ka hedhur dyshime për manipulimin e shortit të gjyqtarëve në Apel.

Gjykata e Apelit pritet të shqyrtojë nesër çështjen e ekstradimit në Kinë të 32-vjeçarit Liangbin Chen, i cili akuzohet në vendin e tij për zhvatjen e miliona eurove përmes mashtrimit në platformat "online".

Megjithatë dorëheqja e papritur e gjyqtares që ishte caktuar për të shqyrtuar çështjen ka çuar në rihedhjen e shortit, duke bërë që çështja t’i caktohet gjyqtarit Genti Shala.

Fillimisht gjykata e Tiranës vendosi ekstradimin e Chen në Kinë ku kërkohet nga drejtësia.

Ai akuzohet si kreu i një bande e cila ka pasur selinë në qytetin Huzhou në Kinë dhe që ka kryer mashtrime në platformat "online" për ambiente me qira, shitje kompjuterësh dhe telefonash në Dubai, Kinë dhe Emiratet e Bashkuara Arabe.

Dyshohet se Chen kishte fituar në Dubai dhe Emiratet e Bashkuara plotë 145 milion dollarë. Ai u arrestua në korrik në Rinas pasi vinte nga Dubai me pasaportë kamboxhiane”, shkruan Hashtag.

Chen ishte shpallur person në kërkim ndërkombëtar nga Interpol Pekini në Kinë, pasi autoritetet gjyqësore kineze i kanë caktuar masën e sigurisë “Arrest në burg”, për veprën penale “Mashtrimi”, parashikuar nga Kodit Penal kinez.

Çështja e shtetasit kinez është ndjekur me interes edhe në qarqet politike në vend ku dyshohet se eksponentë të caktuar kanë qenë e janë tejet të interesuar për fatin e biznesmenit nga Kina, i kërkuar nga Pekini.

Madje asokohe u fol se në prapaskenë ishte përgatitur një skenar për rrëzimin e ekstradimit të Chen në Kinë me pretendimin se kërkesa nuk ishte paraqitur konform ligjit, ndërkohë që autoritetet konfirmuan se dokumentet ishin bërë siç i parashikon ligji.





Lajmet e fundit nga