web counter
LEXO PA REKLAMA!

SHKARKO APP

App Store
Google Play

E fundit!

x

Bisedat në “Sky ECC” dhe “EncroChat”/ Leonard Duka dhe Ervis Martinaj tregojnë konfliktet e tyre

1 Korrik 2025, 17:54, Kronika CNA

Bisedat në “Sky ECC” dhe “EncroChat”/ Leonard Duka

Kreu i "Klanit Duka" dhe "mbreti i kumarit", siç njohen ndryshe Leonard Duka dhe Ervis Martinaj, kanë zhvilluar disa biseda episodike, prej së cilave mësohen detaje të reja lidhur me konfliktet ndërmjet tyre.

Nga disa biseda të zbardhura nga neësbomb.al, dalin emra të njohur, ngjarje dhe hollësira lidhur me bashkëpunëtorët e tyre.

Biseda zhvillohet më datë 18 gusht 2020 dhe përmbajtja e saj është si më poshtë:

- Më datë 18.08.2020 Leonard Duka komunikon me shtetasin Ervis Martinaj biseda fillon me Ervisin i cili i shprehet që ai (duke ju referuar Santiago Malko) gaboj me babën tënd dhe se unë babain tënd ma e pa në rrugë vetëm e respektoj dhe me të pa ty me gra ose me fëmijën e Erlisit nuk të gjuaj. Leonardi i shprehet që ai nuk bënte asnjë lëvizje pa dijeninë tënde dhe se ne kemi pas shoqëri prej 15 vitesh bashkë. 

Ervisi i shprehet që një natë para ishit vëllezër dhe të thash bëji muhabetet mirë se ai është skizofren dhe ai gaboi me babain tënd. Leonardi i shprehet që unë vetëm prej babës jam mërzit se ca ka pas me atë tjetrin s'kishim arrit deri këtu. Ervisi i shprehet që t'i nuk më vret dot mua me gabelt e Vlorës o Nard, t'i më vret vetëm kur të jesh me të drejtën tënde.

Gjatë bisedës, del dhe emri i modeles së njohur Trejsi Sejdini e cila rezulton se ka qenë e dashura e Leonard Dukës, koka e "Klanit Duka".

"Unë vetëm sherrin ja kam parë atij se më ka fut në sherr me gjith Shqipërinë ai qelbanik. Ervisi i shkruan duke i thënë që nuk ka pas dijeni se çfarë bënte ai (Santiago Malko). 

Në lidhje me rastin e grabitjes së pleqve ne Tepelenë, e kam marrë vesh mbas 6 muajsh, për gjuajtjen e Rinos, ju kam lutur dhe i kam thënë na 10 mij euro dhe mos bej zhurmë. 

Ju lute edhe ti por ti ke qenë tapë nga Trejsi nuk mban mend. Edhe për me shku me i gjujt Denisit dhe Emit edhe për gruan e atij gurzit te lagja e gabelve, Ervisi i shprehet që s'ka pas dijeni dhe nuk e ka porositur ai", thuhet në dosje.

Gjatë bisedës Leonard Duka dhe Ervis Martinaj i tregojnë njëri-tjetrit për personat që kishin angazhuar për vrasje:

"Ervisi i shprehet që një Shkodran e pastrova që hante mut si kurvat (i referohet vrasjes së Gjin Ndoj) dhe atë Vlonjatin (Fatmir Hyseni) do e vras sepse ka dasht me më vra mua, jo Santin (Santiago Malko). Ose do t'i vras ose do të kalben në burg ato gabelt e Vlorës ndërsa me ty nuk merrem më nga ky moment. 

I shprehet që unë e kam inatin me ty që ke dasht të më vrasësh mua jo për Santin sepse unë deri sa është vra ai nuk e kam çu në mëndje të të vras. Dhe mbasi është vra Santi kam lexuar dosjen dhe kam mësuar që t'i ke dasht me më vra dhe atherë kam dashur të të vras.

Leonardi i shprehet që njësoj ke dashur edhe ti të më vrasësh mua dhe i qëndron bisedës në lidhje me ndarjen e llogarive që kanë bashkë dhe shprehet që unë lekët e mija nuk i fal siç nuk fal ti të tuat. 

Leonardi i tregon në vazhdimësi që ti je afruar tek lagja ime për të më vrarë dhe i tregon që i di të gjitha bazat dhe shtëpitë që ke. Leonardi i shprehet që unë kam dashur të të takoj babën tënd që të flisnim deri sa u bë sebep që të cova kontaktin. Unë s'kam dashur të prekja tek gjaku jot se po të filloja nuk do ndalej më kjo punë.

Ervisi i shkruan që unë kam paguar 1 miljon euro për informacion në lidhje me lokalizimin tënd dhe Leonardi i përgjigjet që hajde rregullojmë llogaritë dhë të ndalemi se ndryshe ka për të shkuar keq kjo punë dhe nuk do të ndalet më", vijon komunikimi mes Leonard Dukës dhe Ervis Martinaj në aplikacionet e komunikimeve sekrete.

"Ervisi i shkruan që nuk duhet të marrë vesh njeri që kemi folur bashkë, nëse merret vesh prishet muhabeti dhe më ke kundra. Leonardi i shkruan që unë dua të rregullojë llogaritë me ty dhe të shikojmë punët tona të dy ça u fol këtu ngelet këtu", thuhet në dosje.

 

 





Lajmet e fundit nga