web counter
LEXO PA REKLAMA!

SHKARKO APP

App Store
Google Play

E fundit!

x

"Asnjë efektiv nuk e ka goditur Agron Gjekmarkajn"/ Policia mohon dhunën e ushtruar ndaj protestuesve

23 Dhjetor 2024, 20:07, Kronika CNA

"Asnjë efektiv nuk e ka goditur Agron Gjekmarkajn"/ Policia mohon

Kreu i demokratëve dhe të gjithë opozitarët e tjerë akuzuan policinë për shtrimin e Agron Gjekmarkajt në spital, pasi gjatë protestës ai nuk u ndje mirë.

Policia e Shtetit ka reaguar duke hedhur poshtë deklaratën e kreut të Partisë Demokratike Sali Berisha.

Në njoftimin e policisë thuhet se Agron Gjekmarkaj nuk është goditur nga asnjë punonjës policie.

Ndër të tjera, Policia shpreh keqardhje për veprimet e dhunshme të deputetit Flamur Noka, i cili sipas policisë ka fyer, sharë dhe shtyrë punonjësit e policisë që po kryenin detyrat.

Reagim i Drejtorisë Vendore të Policisë Tiranë

Policia e Shtetit përgënjeshtron si tërësisht të pavërtetë deklaratën në media të z. Sali Berisha, ku pretendoi se deputeti Agron Gjekmarkaj është goditur nga punonjësit e Policisë.

Deputeti Gjekmarkaj nuk është goditur nga asnjë punonjës policie, por, nga të dhënat e para, rezulton se ai nuk është ndjerë mirë nga ana shëndetësore dhe është larguar nga protesta.

Policia e Shtetit shpreh keqardhje për këto deklarata dhe, mbi të gjitha, për veprimet e dhunshme të deputetit Flamur Noka, i cili jo vetëm nuk iu bind urdhrit të Policisë për të liruar rrugën, por ka kundërshtuar me dhunë, duke shtyrë, fyer dhe goditur punonjësit e Policisë që ishin në detyrë për të liruar rrugën me qëllim lëvizjen e lirë të automjeteve dhe qytetarëve.

Policia e Tiranës ka evidentuar të gjithë ata shtetas që bllokuan në mënyrë antiligjore rrugën dhe kundërshtuan urdhrin e punonjësve të Policisë për ta liruar atë dhe do të procedohen sipas ligjit.

Bllokimi i rrugëve është vepër penale, çka u është bërë e qartë organizatorëve të protestës në përgjigjen e kthyer nga Drejtoria Vendore e Policisë Tiranë, që mori përsipër garantimin e protestës, por pa bllokuar lëvizjen e lirë të automjeteve dhe qytetarëve./CNA





Lajmet e fundit nga