web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet djali i "gjeneralit" që terrorizonte Tiranën, dhunoi njerkën

1 Qershor 2024, 10:02, Kronika CNA

Të shtunën, Policia e Tiranës ka vënë në pranga djalin e ‘gjeneralit të bandës famëkeqe në Tiranë’, Nehat Kullës.

Në prangat e policisë për dhunë në familje ka rënë, Robert Kulla. 

Sipas policisë dyshohet se 43-vjeçari ka ushtruar dhunë psikologjike ndaj njerkës së tij, e cila është e pajisur me urdhër-mbrojtjeje dhe me vetëgjyqësi i ka thyer çelësin e bravës.

"Specialistët për Hetimin e Krimeve të Komisariatit të Policisë Nr. 4 arrestuan shtetasin R. K., 43 vjeç, banues në Tiranë, për veprat penale "Dhuna në familje", "Vetëgjyqësia", dhe "Veprime në kundërshtim me vendimin e gjykatës". Ky shtetas dyshohet se ka ushtruar dhunë psikologjike ndaj bashkëshortes së babait të tij, e cila është e pajisur me urdhër mbrojtje dhe me vetëgjyqësi i ka thyer çelësin e bravës", thuhet në njoftimin e Policisë. 

Theksojmë se Robert Kulla nuk është një emër i panjohur për drejtësinë. Ai është arrestuar në shtator të 2016 si autor i dyshuar i vjedhjes së një banke të nivelit të dytë në zonën e ish-Bllokut në Tiranë, më 9 gusht të 2016.

Por prokuroria gjatë kësaj kohe nuk arriti të vërtetojë se paratë ishin të bankës dhe për këtë arsye kërkoi lirimin e tij disa ditë pas arrestimit.

Ndërsa babai i tij, Nehat Kulla, i cili ndërroi jetë në 2020, njihej me nofkën "gjenerali" dhe se në vitin 1997 drejtonte një prej bandave më famëkeqe të Tiranës.

Kulla ka shlyer në burgun e Fushë-Krujës dënimin 20-vjeçar për vrasjen e Halim Gjuzit në vitin 1998 në Golem, shoferi i ish-ministrit të Brendshëm, Halit Shamata./CNA 





Lajmet e fundit nga