web counter
LEXO PA REKLAMA!

SHKARKO APP

App Store
Google Play

Arrest me burg për Bledar Duron

16 Nëntor 2024, 11:50, Kronika CNA

Arrest me burg për Bledar Duron

Gjykata e Korçës ka lënë në arrest me burg ish-mësuesin Bledar Duro, i cili ngacmoi seksualisht dy nxënëset e shkollës në "WhatsApp".

14-vjeçaret merrnin mesazhe në "WhatsApp" nga mësuesi,  i cili dyshohet se i ka ngacmuar për më tepër se 1 muaj.

Kanë qenë vajzat që bashkë me prindërit i janë drejtuar komisariatit të policisë së Korçës për të denoncuar rastin e rëndë ku kanë nxjerrë edhe mesazhet që u dërgonte mësuesi.

Sipas të dhënave, mesazhet dërgoheshin kur nxënëset nuk ishin në shkollë, pra jashtë orarit mësimor, ndërsa ishin bërë shumë të shpeshta kohët e fundit sa e vetmja mënyrë për të ndaluar mësuesin ishte ta denonconin në polici.

"Në Gjykatën e Shkallës së Parë e Juridiksionit të Përgjitshëm Korçë, u zhvillua sot në datën 16.11.2024 ora 10:00 seanca me objekt: "Vleftësim arresti në flagrancë, caktim mase sigurimi", ndaj shtetasit B.D i dyshuar për kryerjen e veprës penale "Ngacmimi seksual", parashikuar nga neni 108-a/2 i Kodit Penal, ku gjykata në përfundim vendosi: Pranimin e kërkesës. Vleftësimin si të ligjshëm të arrestit në flagrancë dhe caktimin e masës së sigurimit "Arrest në burg" për këtë shtetas", thuhet në njoftim./ CNA





Lajmet e fundit nga