web counter
LEXO PA REKLAMA!

SHKARKO APP

App Store
Google Play

E fundit!

x

Akuzohet për vrasjen e një shtetaseje greke/ Gjykata e Kukësit liron nga burgu Burim Durakun

25 Qershor 2022, 19:35, Kronika CNA
Akuzohet për vrasjen e një shtetaseje greke/ Gjykata e Kukësit
Foto ilustruese

Burim Duraku, i cili akuzohet për veprën penale “Vrasje me Paramendim në Bashkëpunim”, është lënë i lirë pas vendimit të marrë nga gjykata e Kukësit.

Në bazë të kërkesës së paraqitur nga mbrojtësi Av. Sokol Tahiraj i Burim Durakut, Gjykata e Rrethit Gjyqësor Kukës ka pranuar kërkesën për shuarjen e masës së sigurimit për arsye humbjeje e fuqisë së paraburgimit për tejkalim të afateve maksimale hetimore nga koha e përcaktuar në bazë të nenit 261 / 1c / të Kodit të Procedurës Penale, duke e lënë të lirë.

Burim Duraku u arrestua më datë 20.12.2019 pasi kërkohej nga drejtësia greke.

Sipas burimeve, Duraku dyshohet se vrau në Greqi në maj të vitit 2010 shtetasen Artemis Vasilopou.

Ngjarja sipas autoriteteve vendase ndodhi në vendin e quajtur Argostoli të Kefalinias të Greqisë, ku Duraku, në bashkëpunim me shtetasin Sh. D., të maskuar janë futur në banesën private të shtetases greke.

Pasi kanë tentuar pa sukses të shpërthenin me një mjet të mprehtë derën midis kuzhinës dhe sallonit, e cila ka qenë e kyçur, e kanë thyer derën dhe janë futur brenda.

Aty kanë gjetur shtetasen greke A. V., së cilës ia kanë lidhur duart dhe këmbët me një shirit ngjitës. Më pas kanë grisur me thikën një copë xhakete dhe e kanë mbështjellë me shiritin ngjitës duke i zënë frymën e më pas i kanë vënë në kokë një qese plastike dhe si pasojë e asfiksisë ajo ka gjetur vdekjen.

Këta dy shtetas më pas i kanë vjedhur një shumë të hollash dhe disa sende të çmuara viktimës./CNA.al

 

Akuzohet për vrasjen e një shtetaseje greke/ Gjykata e Kukësit





Lajmet e fundit nga