web counter
LEXO PA REKLAMA!

SHKARKO APP

App Store
Google Play

Aksion antidrogë në Kavajë/ Arrestohen 13 persona që shisnin drogë në shkolla

24 Shkurt 2025, 09:34, Kronika CNA

Aksion antidrogë në Kavajë/ Arrestohen 13 persona që shisnin

Policia në Kavajë ka finalizuar sot një operacion antidrogë ku është bërë i mundur arrestimi i 13 personave, të cilët në bashkëpunim me njëri-tjetrin shisnin doza kokaine dhe kanabisi në afërsi të shkollave në Kavajë.

Në kuadër të operacionit policor të koduar “Winter”, u ekzekutuan urdhrat e ndalimit për 13 shtetas. Gjithashtu, ka nisur procedimi në gjendje të lirë për shtetasin N. M., 32 vjeç, banues në Kavajë dhe është shpallur në kërkim shtetasi B. D., 32 vjeç, banues në Kavajë.

Janë sekuestruar në cilësinë e provës materiale: 80 doza kokaine, 620 doza kanabisi, 2 peshore elektronike, pajisje për presimin e lëndëve narkotike dhe ndarjen e tyre në doza, shuma parash në euro dhe lekë dhe 19 celularë; 3 silenciatorë, 1 jelek antiplumb, pajisje për modifikimin e armëve të zjarrit, 1 detektor dhe 1 bllokues valësh.

Gjatë aksionit u ekzekutuan urdhrat e ndalimit për 13 shtetas, si më poshtë:

R. Gj., 35 vjeç, banues në Rrogozhinë;
R. D., 29 vjeç, banues në Kavajë;
E. D., 22 vjeç, banues në Kavajë;
R. L., 25 vjeç, banues në Kavajë;
R. K., 19 vjeç, banues në Kavajë;
A. Sh., 23 vjeç, banues në Kavajë;
R. Sh., 21 vjeç, banues në Kavajë;
E. M., 29 vjeç, banues në Kavajë;
B. B., 33 vjeç, banues në Kavajë;
S. A., 25 vjeç, banues në Kavajë;
K. V., 52 vjeç, banues në Kavajë;
B. D., 50 vjeç, banues në fshatin Synej;
A. Xh., 38 vjeç, banues në Kavajë.

Nga veprimet hetimore dyshohet se këta shtetas, në bashkëpunim me njëri-tjetrin dhe individualisht, shisnin doza të lëndëve narkotike kokainë dhe kanabis, në zona të ndryshme të Kavajës, kryesisht afër shkollave.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./CNA 





Lajmet e fundit nga