15-vjeçari ndërroi jetë në spital/ Arrestohet autori që e përplasi

24 Qershor 2022, 08:17, Kronika CNA

15-vjeçari ndërroi jetë në spital/ Arrestohet autori

Policia ka arrestuar shtetasin E.B, 29 vjeç, pasi ka përplasur një të mitur, i cili ka ndërruar jetë në spital.

Specialistët e Sektorit të Qarkullimit Rrugor në DVP Fier arrestuan në flagrancë shtetasin E. B., 29 vjeç, banues në Dërmënas, Fier, pasi në datë 23.06.2022, rreth orës 22:00, në aksin rrugor Hamil-Dërmënas, duke drejtuar automjetin tip 'Audi', ka përplasur shtetasin e mitur 15 vjeç, banues në Hamil, i cili po udhëtonte me biçikletë, dhe është larguar nga vendngjarja.

Shtetasi i mitur ka ndërruar jetë rreth orës 02:00 në spitalin e Fierit.

Materialet i kaluan Prokurorisë, për veprime të mëtejshme procedurale për veprat penale 'Shkelja e rregullave të qarkullimit rrugor' dhe 'Largim nga vendi i aksidentit', njofton policia./ CNA.al

Lajmet e fundit nga