web counter
LEXO PA REKLAMA!

SHKARKO APP

App Store
Google Play

Zgjedhjet në Kosovë/ Prokuroria: 8 persona të ndaluar për vepra kundër votës

9 Shkurt 2025, 21:41, Kosova & Bota CNA

Zgjedhjet në Kosovë/ Prokuroria: 8 persona të ndaluar për

Prokuroria e Shtetit në Kosovë ka bërë me dije se janë ndaluar 8 persona për veprën penale kundër të drejtës për të votuar.

"Gjatë ditës së sotme, Prokurori i Shtetit ka pranuar disa informata dhe pas verifikimit të tyre deri në mbyllje të procesit të votimit, janë hapur katër raste kundër tetë personave, kurse informatat tjera janë duke u trajtuar", thuhet në njoftimin për mediat.

Nga ana tjetër Policia e Kosovës u shpreh se procesi i votimit ka kaluar i qetë dhe pa incidente serioze.

“Vlerësuar në aspektin e sigurisë, procesi zgjedhor kaloi i qetë dhe pa incidente serioze

Plani operacional i paraparë për mbarëvajtjen e procesit zgjedhor, i cili kishte për qëllim ofrimin e sigurisë, mbajtjen e rendit, qetësisë dhe sigurisë publike në vend para, gjatë dhe pas procesit të zgjedhjeve u realizua me sukses në tërë territorin e Republikës së Kosovës.

Zbatimi i planit policor, bashkëpunimi dhe koordinimi ndërinstitucional ka ndikuar në mënyrë pozitive që i tërë procesi zgjedhor të kalojë i qetë dhe pa ndonjë incident madhor që do të kishte penguar/cenuar procesin zgjedhor, andaj vlerësuar në aspektin e sigurisë, procesi zgjedhor ka kaluar i qetë dhe pa incidente serioze.

Një ndër qëllimet e planit operativo policor, ka qenë inicimi dhe procedimi i çdo vepre penale kundër të drejtës së votimit dhe ndërmarrja e të gjitha masave procedurale/penale ndaj çdokujt që bie ndesh me ligjet e vendit, që sanksionojnë veprimet e kundërligjshme ndaj zgjedhjeve të lira dhe demokratike”, njofton ndër të tjerë Policia./ CNA





Lajmet e fundit nga