web counter
LEXO PA REKLAMA!

SHKARKO APP

App Store
Google Play

E fundit!

x

Zbulimi i rrallë arkeologjik/ Shkencëtarët gjetën gjurmë të "luftës më të vjetër" në tokën e Evropës

4 Nëntor 2023, 09:02, Kosova & Bota CNA

Zbulimi i rrallë arkeologjik/ Shkencëtarët gjetën

Një nga luftërat e para në tokën evropiane u zhvillua edhe një mijë vjet më herët nga sa mendonin shkencëtarët më parë. Shkencëtarët kanë gjetur gjurmë të konfliktit më të vjetër të njohur në Evropë, përkatësisht në Spanjë, dhe mosha e skeleteve të gjetura të ushtarëve të lashtë vlerësohet midis 5000 dhe 5400 vjet.

Kjo do të thotë se konflikti ka ndodhur edhe para se të shfaqeshin komunitete të mëdha në këtë zonë, thonë shkencëtarët. 

Numri i eshtrave të dëmtuara në skelet, shumica e të cilave i përkisnin meshkujve, sugjeron se lëndimet janë shkaktuar në një betejë që me shumë gjasa ka zgjatur disa muaj, thonë autorët e studimit, të cilët botuan gjetjet e tyre në revistën "Scientific Reports". 

Ata riekzaminuan skeletet e 338 njerëzve të varrosur në një varr masiv në një shpellë të cekët në Spanjën veriore, 23 për qind e të cilëve kishin një lloj lëndimi skeletor.

Në të njëjtin vend, ata gjetën 52 maja shigjetash, 36 prej të cilave kishin dëmtime të vogla që mund t'i atribuohen goditjes së objektivit, shkruan Guardian.

Arsyet e konfliktit spanjoll nuk dihen, por spekulohet se bëhej fjalë për tensione mes grupeve të ndryshme kulturore që banonin në atë rajon në epokën e neolitit të vonë./CNA





Lajmet e fundit nga