web counter
LEXO PA REKLAMA!

SHKARKO APP

E fundit!

x

Ish-bosi i kriptove shpallet fajtor për mashtrim, në sallën e gjyqit u tradhtua nga shokët dhe ish-e dashura

3 Nëntor 2023, 10:54, Kosova & Bota CNA
Ish-bosi i kriptove shpallet fajtor për mashtrim, në sallën e
Sam Bankman-Fried

Sam Bankman-Fried, i cili dikur drejtonte një nga shkëmbimet më të mëdha të kriptomonedhave në botë, është shpallur fajtor për mashtrim dhe pastrim parash gjatë një gjyqi në Nju Jork, raporton "BBC". 

Juria dha vendimin e saj pas pesë orësh diskutimesh. Bankman-Fried u arrestua vitin e kaluar pasi firma e tij, FTX, falimentoi. Dënimi përfundimtar për biznesmenin e njohur, mbi të cilin rëndojnë 7 akuza pritet të jepet më 28 mars të vitit të ardhshëm.

"Sam Bankman-Fried kreu një nga mashtrimet më të mëdha financiare në historinë amerikane - një skemë shumë miliarda dollarëshe e krijuar për ta bërë atë mbret të kriptove," tha avokati amerikan Damian Williams në një deklaratë pas vendimit.

Prokurorët e akuzuan Bankman-Fried se kishte gënjyer investitorët dhe huadhënësit dhe se kishte vjedhur miliarda dollarë nga shkëmbimi i kriptomonedhave FTX, duke ndihmuar në përshpejtimin e kolapsit të saj. 

Tre nga ish-miqtë dhe kolegët e tij të ngushtë, përfshirë ish-të dashurën e tij Caroline Ellison, u deklaruan fajtorë dhe ranë dakord të dëshmonin kundër tij me shpresën për të ulur dënimet e tyre./CNA

 





Lajmet e fundit nga