web counter
LEXO PA REKLAMA!

SHKARKO APP

App Store
Google Play

E fundit!

x

Von der Leyen nuk mbajti konferencë në Kosovë dhe RMV/ KE shpjegon arsyet

15 Tetor 2025, 19:43, Kosova & Bota CNA

Von der Leyen nuk mbajti konferencë në Kosovë dhe RMV/ KE

Ditën e sotme presidentja e Komisionit Europian, Ursula von der Leyen vizitoi Kosovën ku zhvilloi takime me presidenten Vjosa Osmani dhe kryeministrin Albin Kurti. Ndryshe nga vizitat e tjera në Ballkanin Perëndimor në Kosovë Von der Leyen nuk mbajti konferenë për shtyp.

Të njëjtën strategji ndoqi dhe gjatë vizitës në Shkup.

Zëdhënësja e Komisionit Europian, Paula Pinho ka shpjeguar arsyen se përse presidentja e KE-së, Ursula von der Leyen nuk mbajti konferencë në fund të takimeve gjatë vizitës së saj në Kosovë.

Pinho deklaroi se Kosova dhe Maqedonia e Veriut janë në proces zgjedhor dhe kjo është arsyeja e mosmbajtjes së konferencave në këto shtete.

“Arsyeja për mosmbajtjen e konferencës për media në Kosovë dhe në Maqedoninë e Veriut është për shkak të zgjedhjeve që janë në proces ose pritet të mbahen së shpejti, sipas praktikës së zakonshme”, deklaroi Pinho.

Në mungesë të konferencës dhe një deklarate publike Von der Leyen përmes një postimi në “X” i la Kosovës 3 rekomandime për të ecur drejt integrimit:

"Ne mbetemi të përkushtuar ndaj një të ardhmeje ku të gjashtë partnerët e Ballkanit Perëndimor janë pjesë e Unionit tonë. Për këtë, është e rëndësishme që Kosova të vazhdojë të ndërtojë institucione të forta. Të ulë tensionet në vend. Gjithashtu, Kosova duhet të finalizojë hapat e nevojshëm për të përfituar nga Plani i Rritjes", shkruan Von der Leyen./CNA





Lajmet e fundit nga