web counter
LEXO PA REKLAMA!

SHKARKO APP

App Store
Google Play

Protesta në Tiranë për UÇK-në/ Osmani: E mbështes, thirrje për drejtësi të vërtetë

15 Tetor 2025, 14:16, Kosova & Bota CNA

Protesta në Tiranë për UÇK-në/ Osmani: E

Presidentja e Kosovës, Vjosa Osmani, ka reaguar sot lidhur me protestën që do të mbahet të premten në Tiranë, për drejtësi ndaj ish-krerëve të Ushtrisë Çlirimtare të Kosovës.

Në një deklaratë për mediat, Osmani shprehu mbështetjen ndaj kësaj proteste, që e konsideroi si një thirrje për drejtësi të vërtetë dhe respektim të parimeve më të larta të të drejtave të njeriut.

“E mbështes këtë protestë, ashtu siç kam mbështetur çdo protestë që është thirrur për drejtësi. Qytetarët e Kosovës dhe më gjerë nuk kanë kërkuar kurrë asgjë tjetër përveç drejtësisë, drejtësisë së vërtetë dhe respektimit të parimeve më të larta të mbrojtjes së të drejtave të njeriut.

Drejtësi, e cila respekton parimet më të larta të mbrojtjes së të drejtave të njeriut dhe, siç e dini, Kosova, më konkretisht ish-krerët që tani përballen në Hagë, pikërisht sepse kanë pasur besim në drejtësi, janë paraqitur para saj. Tash po bëhen 5 vite pa asnjë ndryshim në drejtësinë ndërkombëtare, por ne si institucione të Kosovës vazhdimisht kërkojmë që parimet e mëdha të të drejtave të njeriut të respektohen dhe u japim plotësisht të drejtat e tyre sa herë ata protestojnë në kërkim të këtyre standardeve.

Lufta e UÇK-së ka qenë luftë e drejtë për liri, për ta mbrojtur popullin tonë dhe çliruar Kosovën nga okupimi që ka zgjatur për shekuj, dhe luftë që ka pasur mbrojtjen e pragut të shtëpisë dhe qytetarëve të pafajshëm që sulmoheshin nga ushtria serbe”,-tha Osmani./CNA





Lajmet e fundit nga