web counter
LEXO PA REKLAMA!

SHKARKO APP

App Store
Google Play

E fundit!

x

Von der Leyen: Në Shqipëri do investohen 1.4 miliardë euro për energjinë e pastër

23 Tetor 2024, 17:07, Kosova & Bota CNA
Von der Leyen: Në Shqipëri do investohen 1.4 miliardë euro
Presidentja e KE-së, Ursula von der Leyen

Presidentja e KE-së, Ursula von der Leyen, foli në konferencën e përbashkët me kryeministrin Edi Rama për investimet në Shqipëri.

Von der Leyen tha se në Shqipëri janë mobilizuar investime 1.4 miliardë eurosh me fokus te tranzicioni i energjisë së pastër.

Gjithashtu, ajo deklaroi se ka edhe një plan prej 50 milionë euro për eficensën e energjisë, për karikimin e makinave elektrike, si dhe planet për autobusët elektrikë për Tiranën.

"Plani për investimet në Ballkanin Perëndimor. Në Shqipëri janë mobilizuar investime 1.4 miliardë eurosh me fokus te tranzicioni i energjisë së pastër. Është e rëndësishme që partnerët tanë të jenë pjesë e kësaj nisme, por për Shqipërinë nuk ka për të qenë sfidë shumë e madhe sepse ju jeni lider në këtë fushë ndaj ne po punojmë me ju për projekte që mund ta fuqizojnë këtë lidershipin. Në fushën e energjisë që rinovueshme, për shembull kemi hidrocentralin e Vaut të Dejës, i pari në rajon.

Kemi dhe një plan prej 50 milionë euro për eficensën e energjisë, për karikimin e makinave elektrike si dhe planet për autobusët elektrikë për Tiranën. Është dhe një projekt i veçantë, për Kampusin e kolegjit të Europës, ju e patët këtë ide të shkëlqyer i dashur Edi dhe ne dëshironim ta bënim realitet. Zyrtarisht do hapim vitin akademik për grupin e parë të studentëve. Këta të rinj janë udhëheqësit e rinj të Europës, kjo do të thotë që e ardhmja e Europës po formësohet me këta të rinj në Shqipëri”, theksoi presidentja e KE-së./ CNA





Lajmet e fundit nga