web counter
LEXO PA REKLAMA!

SHKARKO APP

App Store
Google Play

E fundit!

x

Zelensky: Presioni mbi Korenë e Veriut “jo mjaftueshëm i fortë”

23 Tetor 2024, 07:48, Kosova & Bota CNA
Zelensky: Presioni mbi Korenë e Veriut “jo mjaftueshëm i
Presidenti ukrainas, Zelensky

Nëse Koreja e Veriut është në gjendje të përfshihet në luftën e Rusisë kundër Ukrainës, kjo do të thotë se presioni i ushtruar mbi regjimin në Phenian nuk është mjaftueshëm i fortë.

Presidenti i Ukrainës, Volodymyr Zelensky, reagoi në një postim në rrjete sociale.

“Është e qartë se Pheniani, ashtu si Moska, nuk numëron njerëzit dhe nuk vlerëson jetët njerëzore. Por të gjithë ne në botë jemi njëlloj të interesuar për t’i dhënë fund luftës, jo për ta zgjatur atë. Prandaj ne duhet të ndalojmë Rusinë dhe aleatët së bashku, nëse Koreja e Veriut mund të ndërhyjë në luftën në Evropë, atëherë presioni mbi këtë regjim definitivisht nuk është mjaft i fortë”.

Zelensky u bazua në disa raporte nga Komandanti i Përgjithshëm i Forcave të Armatosura të Ukrainës, gjenerali Oleksandr Syrskyi, mbi zhvillimet më të fundit në fushën e betejës dhe skenarët afatshkurtër.

“Në veçanti, ne kemi informacion se dy njësi të personelit ushtarak nga Koreja e Veriut janë duke u trajnuar – potencialisht edhe dy brigada me 6000 persona secila. Dhe kjo është një sfidë. Por ne dimë se si t’i përgjigjemi kësaj sfide. Dhe është e rëndësishme që partnerët tanë nuk i shmangen as kësaj sfide”, tha Zelensky.

Ai shprehu mirënjohje për të gjitha kombet dhe liderët që dënuan Korenë e Veriut që t’i bashkohej luftës ruse.

“Nëse Rusia është ende në gjendje të zgjerojë dhe zgjasë këtë luftë, kjo do të thotë se të gjithë në botë që ende nuk po ndihmojnë për të detyruar Rusinë në paqe, në fakt po e ndihmojnë Putin-in të bëjë luftë. Agresorët duhet të ndalohen. Ne presim një përgjigje të fortë dhe konkrete nga bota, shpresojmë, jo vetëm me fjalë”, theksoi lideri ukrainas.

Zelensky falënderoi të gjithë ata që ndihmojnë Ukrainën, të gjithë ushtarët ukrainas dhe të gjithë ata që punojnë për kauzën e Ukrainës.

 

 

 





Lajmet e fundit nga