Urdhra ekzekutivë, memorandume dhe shpallje/ 24 orët e para të Trump-it

21 Janar 2025, 15:09, Kosova & Bota CNA

Urdhra ekzekutivë, memorandume dhe shpallje/ 24 orët e para të

Shtëpia e Bardhë dhe Presidenti Trump kanë njoftuar rezultatet e deritanishme të ditës së parë të punës.

Në ditën e parë të punës, Trump ka nënshkruar 42 urdhra ekzekutivë, memorandume dhe shpallje, ka kryer 115 veprime personeli, mbi 200 veprime ekzekutive.

“Presidenti Trump njofton rezultatet nga Dita e Parë dhe ai sapo ka filluar!

42 urdhra ekzekutivë, memorandume dhe shpallje,

115 veprime personeli,

mbi 200 veprime ekzekutive,

60 minuta pyetje dhe përgjigje për shtyp,

premtime të bëra, PREMTIME TË MBATUARA.”

Presidenti i ri amerikan, Donald Trump, ka nisur ditën e parë të punës me nënshkrimin e disa urdhrave ekzekutivë, që i konsideroi të rëndësishme dhe emergjente.

Nga emigracioni dhe klima deri te falja e njerëzve të dënuar për trazirat e Kapitolit të vitit 2021, ja urdhrat e rinj sipas kategorive:

Emigracioni

Ai ka shpallur një emergjencë kombëtare në kufirin jugor.

Trump urdhëroi që zyrtarët t'u mohojnë të drejtën e nënshtetësisë fëmijëve të emigrantëve në SHBA në mënyrë të paligjshme ose me viza të përkohshme.

Bandat dhe kartelet janë cilësuar si organizata të huaja terroriste.

Klima dhe energjia

Trump ka nënshkruar sërish tërheqjen nga marrëveshja e Parisit për klimën.

Ai ka shpallur një "emergjencë kombëtare të energjisë" dhe u zotua të "shpojë, fëmijë, shponi" për më shumë lëndë djegëse fosile.

Organizata Botërore e Shëndetësisë

Trump nënshkroi një urdhër ekzekutiv për të filluar procesin e tërheqjes së SHBA nga organi shëndetësor i OKB-së, Organizata Botërore e Shëndetësisë (OBSH).

Diversiteti dhe gjinia

Trump ka deklaruar se SHBA do të njohë vetëm “dy gjini, mashkull dhe femër".

Ai gjithashtu ka ndalur të gjitha programet e "diversitetit, barazisë dhe përfshirjes" (DEI) brenda qeverisë federale.

Trazirat e Kapitolit 2021

Presidenti ka dhënë falje për afro 1600 mbështetës të tij që u arrestuan në trazirat në Kapitolin e SHBA në 2021.

Ai gjithashtu zvogëloi dënimet për anëtarët e Oath Keepers dhe Proud Boys, grupe të ekstremit të djathtë të cilët u dënuan për komplot kryengritës në lidhje me trazirat.

Ekonomia

Trump ka nënshkruar një direktivë duke i kërkuar çdo departamenti dhe agjencie federale amerikane të adresojë koston e jetesës./ CNA