web counter
LEXO PA REKLAMA!

SHKARKO APP

App Store
Google Play

E fundit!

x

“Bashkoi qytetarët e Kosovës për liri dhe demokraci”/ Osmani, homazhe për Rugovën

21 Janar 2025, 12:11, Kosova & Bota CNA

“Bashkoi qytetarët e Kosovës për liri dhe demokraci”/

Presidentja e Kosovës dhe përfaqësuesit diplomatikë të huaj në Kosovë mbajtën homazhe te varri i ish-presidentit Ibrahim Rrugova teksa u mbushën 19 vite nga ndarja e tij nga jeta.

Në deklaratën për mediat, Osmani theksoi se Rugova ka dhënë një kontribut të jashtëzakonshëm për Kosovën ndërsa shtoi se ai ishte një politikan largpamës.

“Dua t’i falënderoj përqafuesit diplomatikë që edhe sot sikur çdo vit u bashkuan në nderim të presidentit Rugova që dha kontribut të jashtëzakonshëm në ndërtimin e themeleve të forta të shtetit tonë në një kohë jashtëzakonisht të rëndë të popullit tonë, kur rrezikoi shfarosja e popullit të Kosovës.

Në atë kohë presidenti Rugova jo vetëm që bëri bashkë të gjithë qytetarët e Kosovës rreth kauzës për liri, pavarësi e demokraci, por njëkohësisht u bë zëri i Kosovës në botë duke ndërtuar aleanca të fuqishme të cilat na u deshën më së shumti pikërisht në ato kohë të vështira që rezultuan me intervenimin e NATO-s, i cili edhe ndihmoi çlirimin e Kosovës dhe pastaj mbështetja e këtyre shteteve mike ndihmoi në pavarësimin e vendit tonë”, tha Osmani. /CNA





Lajmet e fundit nga