web counter
LEXO PA REKLAMA!

SHKARKO APP

App Store
Google Play

E fundit!

x

Trump-Musk/ Deklaratat e radhës me grindje në mediat sociale

1 Korrik 2025, 19:07, Kosova & Bota CNA

Trump-Musk/ Deklaratat e radhës me grindje në mediat sociale

Në një tjetër raund deklaratash midis Donald Trump dhe Elon Musk, presidenti amerikan sugjeroi që subvencionet dhe kontratat qeveritare të manjatit të Teslës mund të vihen në rrezik.

“Elon mund të marrë më shumë subvencione se çdo qenie njerëzore në histori, deri tani, dhe pa subvencione, Elon ndoshta do të duhej të mbyllte dyqanin dhe të kthehej në shtëpi në Afrikën e Jugut”,-shkroi Trump në faqen e tij të internetit Truth Social.

Trump vazhdoi duke sugjeruar që iniciativa DOGE, ose Departamenti i Efikasitetit të Qeverisë, në krijimin e së cilës Musk luajti një rol të rëndësishëm, mund të shndërrohej kundër njeriut më të pasur në botë.

"Mjaft me lëshime raketash, satelitësh apo prodhim makinash elektrike, dhe vendi ynë do të shpëtonte një PASURI të tërë. Ndoshta duhet ta bëjmë DOGE-in ta shqyrtojë mirë dhe me kujdes këtë?"-shkroi presidenti.

Në përgjigje, Musk shkroi në platformën e tij të mediave sociale, X: “Unë po them fjalë për fjalë PRITNI TË GJITHA. Tani.”

Debati i fundit në mediat sociale vjen pas kritikave të përsëritura të Musk ndaj “projektligjit të madh dhe të bukur” të Trump, i cili aktualisht po përpiqet të fitojë mbështetje të mjaftueshme republikane për të kaluar në Senat.

Musk thotë se projektligji do të rrisë borxhin kombëtar të SHBA-së. Të hënën, ai kërcënoi të rrëzojë nga parlamenti ligjvënësit që bënë fushatë për uljen e deficitit, por do të votojnë për të. Ai gjithashtu ka hedhur idenë e krijimit të një partie të re nëse projektligji miratohet./CNA





Lajmet e fundit nga