web counter
LEXO PA REKLAMA!

SHKARKO APP

App Store
Google Play

Tragjedia në Korenë e Jugut për festën e Holloween-it/ 151 viktima e 82 të plagosur, 2900 të zhdukur

30 Tetor 2022, 08:31, Kosova & Bota CNA

Tragjedia në Korenë e Jugut për festën e Holloween-it/ 151

Ka shkuar në 151 numri i personave që kanë vdekur nga shtypjet gjatë natës së festimit të Halloween-it (Natës së Shtrigave) në kryeqytetin e Koresë së Jugut, Seul.

82 të tjerë raportohet se janë lënduar, shkruan "BBC".

Sipas "BBC" deri më tani, në polici kanë mbërritur 2900 raporte nga familjarë për të afërmit e tyre që nuk janë kthyer ende në shtëpi, ndërsa autoritetet vijojnë punën për gjetjen e tyre.

Pamjet nga Seuli shfaqin dhjetëra kufoma të mbuluara, zyrtarë të emergjencës që ndihmojnë të lënduarit dhe njerëz që ndihmojnë njëri-tjetrin për të shpëtuar nga shtypja, shkruan radio "Evropa e Lirë".

Incidenti vdekjeprurës, i cili raportohet se ka nisur pas orës 22:00 me orën lokale, ndodhi në një zonë të njohur të jetës së natës në festimin e parë të Halloween-it që nga pandemia e COVID-19.

Raportohet se kishte paralajmërime se rrugët do të ishin të mbushura me njerëz, por ende nuk dihet se si filloi përplasja e turmës.

Një dëshmitar i tha "Reuters" se një morg i improvizuar ishte ngritur në një ndërtesë afër vendit të ngjarjes.

Dhjetëra trupa u transportuan më vonë në barela, tha dëshmitari.

Tragjedia ndodhi në një prej zonave më të njohura të jetës së natës, në Itaewon. Rreth 100 mijë persona ishin mbledhur për të festuar Halloween-in, ndonëse kjo nuk është një festë tradicionale e Koresë së Jugut, vitet e fundit ka njohur një popullaritet.

Të rinjtë u takuan në një festë kaq të madhe për herë të parë pas dy vitesh, që kur u hoqën maskat dhe distanca sociale, pas periudhës së pandemisë COVID-19. Ata u dyndën, shumë prej tyre me kostume, në lagjen Itaewon, një qendër e njohur e jetës së natës në kryeqytetin e Koresë së Jugut, ku shumë rrugë janë të ngushta. Por, në mes të festimeve për Halloween-it ato rrugica u kthyen në një kurth vdekjeje.





Lajmet e fundit nga