web counter
LEXO PA REKLAMA!

SHKARKO APP

App Store
Google Play

E fundit!

x

Tjetër goditje për ekonominë ruse, BE gati paketën e 12 të sanksioneve

14 Nëntor 2023, 10:04, Kosova & Bota CNA
Tjetër goditje për ekonominë ruse, BE gati paketën e 12
Josep Borrell, Përfaqësuesi i Lartë i BE-së

Josep Borrell, Përfaqësuesi i Lartë i BE-së për Punët e Jashtme dhe Politikën e Sigurisë, është shprehur se paketa e re e 12-të e sanksioneve kundër Rusisë mund të prezantohet dhe miratohet këtë javë.

Këtë deklaratë, Borrell e bëri pas një takimi të Këshillit të Punëve të Jashtme të BE-së të hënën në Bruksel. 

Borrell vuri në dukje se paketa e 12-të e sanksioneve do të përfshijë "më shumë listime, ndalime të reja eksporti, mes tyre diamante, veprime për të shtrënguar kufirin e çmimit të naftës në mënyrë që të ulë të ardhurat që Rusia po merr".

"Ne jemi duke finalizuar detajet e fundit të kësaj pakete. Ajo do të hartohet me një vendim të Këshillit, i cili më pas do të miratojë vendimet përkatëse dhe një rregullore të Këshillit, e cila do t'u japë udhëzime shteteve anëtare se si të zbatojnë këto vendime", shpjegoi ai.

Bloomberg raportoi se propozimet e paketës së 12-të të sanksioneve të BE-së përfshijnë kufizime në tregtinë e mallrave me vlerë rreth 5 miliardë euro.

Paketa e re mund të përfshijë më shumë se 100 persona fizikë dhe 40 persona juridikë. Ka gjithashtu diskutime për ndalimin e punësimit të rusëve në të ashtuquajturit sektorë "të ndjeshëm" dhe riatdhesimin e aseteve ruse në BE./CNA

 





Lajmet e fundit nga