web counter
LEXO PA REKLAMA!

SHKARKO APP

Takimi me António Costa-n/ Kurti: Kosova, e përkushtuar drejt BE-së

4 Dhjetor 2024, 09:17, Kosova & Bota CNA
Takimi me António Costa-n/ Kurti: Kosova, e përkushtuar drejt
Kryeministri i Kosovës, Albin Kurti dhe presidenti i ri i Këshillit Evropian, António Costa

Kryeministri i Kosovës, Albin Kurti, ka zhvilluar një takim me presidentin e ri të Këshillit Evropian, António Costa, në Bruksel.

Kryeministri Kurti theksoi se Kosova është e përkushtuar që të përparojë në rrugën drejt Bashkimit Europian.

“Në Bruksel pata kënaqësinë që të takoj dhe të bashkëbisedoj me Presidentin e ri të Këshillit Europian, António Costa, i cili sonte është gjithashtu nikoqir i darkës me liderë të Ballkanit Perëndimor. Kosova është e përgatitur dhe e përkushtuar që të përparojë në rrugën drejt BE-së”, shtoi Kurti.

Ndër të tjera, kryeministri i Kosovës shprehu urime për detyrën e re. 

“Duke e uruar për detyrën e re dhe suksese të shumta gjatë angazhimit të tij, i ofrova bashkëpunim të ngushtë dhe të sinqertë, gjersa vendi ynë mbetet i palëkundur në përkushtimin për integrim brenda familjes europiane, aty ku Kosova e meriton të jetë”.

 





Lajmet e fundit nga