web counter
LEXO PA REKLAMA!

SHKARKO APP

App Store
Google Play

Stu­hia e fuqishme dimërore në SHBA/ Shënohen 30 viktima, probleme me energjinë dhe fluturimet

27 Janar 2026, 09:30, Kosova & Bota CNA

Stu­hia e fuqishme dimërore në SHBA/ Shënohen 30 viktima,

Të paktën rreth 30 persona kanë humbur jetën në SHBA, pasi një stuhi masive dimërore vazhdon të përfshijë pjesë të mëdha të vendit, duke sjellë borë të dendur, shi, ngricë, temperatura jashtëzakonisht të ulëta, si edhe probleme serioze në infrastrukturë dhe transport.

Viktimat përfshijnë raste tragjike si njerëz të goditur nga mjete pastrimi i dëborës, adoleshentë që humbën jetën në aksidente me slitë dhe një grua që u gjet e ngrirë pasi kishte dalë nga një lokal.

Stuhia ka sjellë edhe problematika të tjera, pasi më shumë se një milion banorë mbetën pa energji elektrike për shkak të dëmeve në linjat e tensionit si pasojë e akullit dhe borës së rëndë. Kjo situatë ka prekur kryesisht pjesën jugore dhe juglindore të vendit.

Shumë autoritete rajonale kanë shpallur gjendje emergjence për të koordinuar ndihmën dhe përpjekjet për rikthimin e energjisë.

Qendra kryesore të transportit si New York, Chicago dhe Washington D.C. përjetuan ndërprerje serioze të shërbimeve ajrore.

Autoritetet kanë paralajmëruar banorët të mos udhëtojnë pa pasur nevojë, pasi rrugët mbeten të rrezikshme dhe kushtet ekstreme të ftohtit pritet të zgjasin./CNA





Lajmet e fundit nga