web counter
LEXO PA REKLAMA!

SHKARKO APP

App Store
Google Play

E fundit!

x

"S’pranoi kurrë kompromis për Kosovën"/Hill: Fajësoj Millosheviçin sepse ai nuk donte të punonte me ne

8 Dhjetor 2025, 22:40, Kosova & Bota CNA

"S’pranoi kurrë kompromis për Kosovën"/Hill:

Ambasadori i parë amerikan në Shqipëri, Christopher Hill ka dhënë një intervistë për emisionin “Now” me Erla Mëhillin, ku ka folur dhe për marrëdhëniet me Sllodoban Millosheviçin.

Hill tha se fajëson Millosheviçin për përdorimin e dhunës, pasi refuzonte të bashkëpunonte me SHBA-në.

Më tej, ish-ambasadori u shpreh se për mendimin e tij është bërë progres me Serbinë, por kanë probleme të mëdha sepse varen nga Rusia.

 

“Na ndihmoi në Bosnje, por s’pranoi kurrë kompromis për Kosovën, nuk ishte partner i besueshëm. Ndonjëherë nuk ke shumë zgjedhje; nuk janë zgjedhjet ideale, por janë ato që ke. Kam punuar fort për zgjidhje politike pas Rambujesë. Nuk e arrita gjithmonë, por bëra më të mirën time. Përdorimi i forcës hap probleme të tjera, dhe unë fajësoj Millosheviçin sepse ai nuk donte të punonte me ne, por askush nuk duhet të jetë i lumtur për përdorimin e forcës. Ai ka vdekur tashmë, pra është më lehtë që të flasësh për liderë që nuk janë më mes nesh. Unë mendoj se ai ishte i gatshëm që të gjendej një zgjidhje në Bosnje dhe në fakt na ndihmoi për çështjen e Bosnjes. Nuk ishte i gatshëm për Kosovën, nuk ishte fare i gatshëm për Kosovën që të gjenim një zgjidhje dhe prandaj përfunduam në një situatë të rrezikshme në Kosovë e cila mund të përkeqësohej edhe më tej. Kur ai thoshte se do t’i bënte gjërat, përgjithësisht i bënte, por ti asnjëherë nuk ndjeje se kishe një partner. Mendoj se ne kemi bërë mjaft progres me Serbinë, por ata kanë probleme të mëdha energjetike sepse varen nga Rusia, e cila përdor energjinë si armë. Është e rëndësishme të ndihmojmë Serbinë të largohet nga ky kërcënim. Kam punuar shumë edhe mbi marrëdhëniet midis Serbisë dhe Ukrainës, por ka dhe çështje ku duhet të vijojmë punën”, tha Hill.





Lajmet e fundit nga