web counter
LEXO PA REKLAMA!

SHKARKO APP

App Store
Google Play

Spanja sekuestron një sasi rekord prej 40 tonësh kokainë në Oqeanin Atlantik/ 20 persona në pranga

4 Maj 2026, 16:32, Kosova & Bota CNA

Spanja sekuestron një sasi rekord prej 40 tonësh kokainë në

Një sasi rekord kokaine, që arrin deri në 40 ton, është sekuestruar nga autoritetet spanjolle në Oqeanin Atlantik. Garda Civile e Spanjës e kapi anijen në ujërat ndërkombëtare pranë Ishujve Kanarie të Spanjës, ndërkohë që rreth 20 persona janë vënë në pranga në kuadër të operacionit.

Anija, e cila tani po inspektohet në Ishujt Kanarie, ishte nisur nga kryeqyteti i Sierra Leones, Freetown, për në Bengazi të Libisë.

Duke iu referuar dhe operacioneve të tilla të mëparshme qëllimi ishte shkarkimi i drogës në anije më të vogla për shpërndarje në Evropë, sepse shkarkimi i këtij vëllimi kokaine në Libi, sipas autoriteteve vendase nuk ka shumë kuptim.

"Do të nevojiteshin shumë anije, porte të ndryshme, sepse një shkarkim i tillë në një port të vetëm do të ngjallte shumë dyshime. Pra, operacioni ndoshta është koordinuar përmes rrjeteve ndërkombëtare", shprehen autoritetet.

Ministri i Brendshëm spanjoll, Fernando Grande-Marlaska u tha gazetarëve në Madrid se sekuestrimi ishte një nga më të mëdhenjtë, jo vetëm në nivel kombëtar, por edhe ndërkombëtar, pa dhënë detaje të mëtejshme.

Lidhjet e ngushta të Spanjës me Amerikën Latine dhe afërsia me Marokun, një prodhues kryesor i kanabisit, e bëjnë atë një pikë kyçe hyrjeje për drogën në Evropë.





Lajmet e fundit nga