LEXO PA REKLAMA!

SHKARKO APP

Sot varrimi i Alexei Navalny-t/ Familjarët nuk gjejnë makinë për të transportuar trupin

1 Mars 2024, 08:33, Kosova & Bota CNA
Sot varrimi i Alexei Navalny-t/ Familjarët nuk gjejnë makinë
Alexei Navalny

Sot do të kryhet ceremonia mortore për liderin e opozitës ruse, Alexei Navalny. Ndërkohë ekipi i tij ka njoftuar se po vazhdojnë të përballen me vështirësi në organizimin e ceremonisë së lamtumirës.

Zëdhënësja, Kira Yarmysh, tha se ata nuk kishin mundur të gjejnë një makinë për ta transportuar trupin në kishë.

"Njerëz të panjohur po telefonojnë agjencitë funerale dhe i kërcënojnë nëse pranojnë të marrin trupin e Alexeit," tha Yarmysh.

Funerali do të mbahet sot në periferi të Moskës, dy javë pasi ai vdiq në një burg në Arktik. Më pas varrimi do të bëhet në varrezat e Borisovskoye aty pranë në orën 16:00.

Gjithë ceremonia do të transmetohet gjithashtu në internet në kanalin e Navalny në "YouTube".

Navalny vdiq më 16 shkurt në burgun rus brenda Rrethit Arktik. Ai ishte burgosur për tri vjet me akuza të sajuara. Për vdekjen e tij, familjarët kanë akuzuar presidentin rus, Vladimir Putin./CNA 

Lajmet e fundit nga