web counter
LEXO PA REKLAMA!

SHKARKO APP

App Store
Google Play

E fundit!

x

Situata në Venezuelë/ BE: Maduro nuk ka legjitimitet, prioritet siguria e qytetarëve

3 Janar 2026, 14:14, Kosova & Bota CNA

Situata në Venezuelë/ BE: Maduro nuk ka legjitimitet, prioritet

Shefja e politikës së jashtme të Bashkimit Europian, Kaja Kallas, ka deklaruar mesditën e sotme se BE po monitoron nga afër situatën në Venezuelë dhe ka bërë thirrje për përmbajtje.

Në një deklaratë, Kallas tha se kishte folur me Sekretarin e Shtetit të SHBA-së, Marco Rubio, dhe ambasadorin e BE-së në Karakas.

“BE-ja ka deklaruar vazhdimisht se zotit Maduro i mungon legjitimiteti dhe ka mbrojtur një tranzicion paqësor. Në të gjitha rrethanat, parimet e së drejtës ndërkombëtare dhe Karta e OKB-së duhet të respektohen”,-tha Kallas.

Kallas tha se siguria e qytetarëve të BE-së në Venezuelë ishte prioriteti kryesor i bllokut.

Presidenti amerikan Donald Trump njoftoi këtë të shtunë se Shtetet e Bashkuara kryen sulme ajrore ndaj Venezuelës dhe kapën Presidentin Nicolás Maduro dhe gruan e tij, duke i larguar ata me avion nga vendi.

Sipas Trump, operacioni përfshinte forcat e ligjit të SHBA-së dhe pasoi shpërthimet gjatë natës në Karakas dhe rajone të tjera, pas të cilave Venezuela shpalli gjendje të jashtëzakonshme. Sulmet erdhën pas muajsh të përshkallëzimit të presionit të SHBA-së mbi trafikun e dyshuar të drogës, me SHBA-në që e etiketoi qeverinë e Maduro-s një shtet narko-terrorist./CNA





Lajmet e fundit nga