web counter
LEXO PA REKLAMA!

SHKARKO APP

App Store
Google Play

Shkatërrohet banda në Itali/ Arrestohen disa trafikantë droge, mes tyre edhe një shqiptar

1 Qershor 2022, 19:02, Kosova & Bota CNA
Shkatërrohet banda në Itali/ Arrestohen disa trafikantë droge,
Policia italiane me drogën e sekuestruar

Policia italiane ka shkatërruar një bandë të trafikut të drogës dhe ka sekuestruar mbi 15 kilogramë drogë.

Rreth 90 agjentë bënë kërkime në Novara, Torino, Lodi dhe Milano, në sajë të operacionit i cili nisi në korrik të vitit 2021.

Shkak u bë kapja e një personi me kokainë të pastër. Autoritetet e shtetit fqinj filluan menjëherë vëzhgimet, përgjimet dhe kontrollet për të gjurmuar rrjetin e tregtarëve të drogës që kishte qyteti Novara, me degë në të gjithë Piemonten dhe Lombardinë.

Mediat italiane raportojnë se grupi lëvizte nga 20 deri në 30 kilogramë marijuanë dhe një kilogram kokainë çdo muaj, të cilat më pas ua shiste tregtarëve të tjerë të drogës.

Policia ka identifikuar e arrestuar shtetasit me iniciale M.M., 30 vjeç, R.P., 33 vjeç, L.R., 40 vjeç dhe G.D., 34 vjeç, me kombësi italiane, shqiptare dhe marokene.

Nga ky operacion janë bërë 23 kontrolle, 11 denoncime dhe 12 masa paraprake, 4 prej të cilave me burg, 3 me arrest shtëpie dhe pesë detyrim paraqitje në policinë gjyqësore. Në total u sekuestruan 14 kilogramë marijuanë, 300 gramë kokainë dhe 1 kilogram hashash./ B.A. – CNA.al





Lajmet e fundit nga