web counter
LEXO PA REKLAMA!

SHKARKO APP

App Store
Google Play

SHBA, 1.5 miliardë dollarë paketë ndihme për Ukrainën

15 Qershor 2024, 14:24, Kosova & Bota CNA
SHBA, 1.5 miliardë dollarë paketë ndihme për Ukrainën
Kamala Harris, foto e marrë nga BBC

Zëvëndës presidentja e SHBA-së, Kamala Harris ka premtuar një paketë ndihme prej 1.5 miliardë dollarësh për Ukrainën, kryesisht për sektorin energjetik të vendit.

Financimi, i shpallur në një samit të paqes në Ukrainë në Zvicër, do të ndihmojë në riparimin e infrastrukturës së dëmtuar nga bombardimet ruse, raporton BBC. 

Presidenti ukrainas Volodymyr Zelensky tha të martën se gjysma e kapacitetit të prodhimit të energjisë të vendit ishte shkatërruar në luftë.

Ai u ka bërë thirrje vendeve perëndimore që të ofrojnë më shumë mbrojtje ajrore për të mbrojtur infrastrukturën energjetike dhe qendrat e popullsisë urbane, dhe disa janë përgjigjur.

Sulmet ruse në rrjetin e energjisë kanë detyruar kompanitë energjetike të krijojnë ndërprerje të vazhdueshme.

Paketa, nga USAID dhe Departamenti i Shtetit, përfshin 500 milionë dollarë  për ndihmën e energjisë dhe 324 milionë dollarë të ridrejtuara për nevojat emergjente të energjisë, njoftoi Shtëpia e Bardhë. 

Që nga fillimi i luftës, SHBA ka shpenzuar më shumë se 3.2 milionë dollarë për ndihmën humanitare për Ukrainën dhe gati 1.5 miliardë dollarë në sektorin e energjisë, shtohet në deklaratë./CNA 





Lajmet e fundit nga