web counter
LEXO PA REKLAMA!

SHKARKO APP

App Store
Google Play

E fundit!

x

Scholz mbështet dëbimin e emigrantëve të jashtëligjshëm

26 Gusht 2024, 15:18, Kosova & Bota CNA
Scholz mbështet dëbimin e emigrantëve të
Kancelari gjerman, Olaf Scholz

Kancelari gjerman, Olaf Scholz, tha të hënën se dëshiron të rrisë dëbimet e emigrantëve të jashtëligjshëm, disa ditë pas një sulmi me thikë në qytetin perëndimor të Solingenit.

"Dëbimet duhet të përshpejtohen, 'me rregullore ligjore nëse është e nevojshme'", tha Scholz gjatë një vizite në Solingen.

Kancelari gjithashtu kërkoi "zbatimin e qëndrueshëm dhe praktik" të ligjeve ekzistuese, përfshirë ato për emigrantët që aplikojnë për azil në Gjermani dhe jo në vendin e parë të Bashkimi Evropian ku ata mbërrijnë në kundërshtim me Rregulloren e Dublinit.

"Me siguri do të ketë kuptim të krijohet një grup i posaçëm për të studiuar këtë", shtoi kancelari Scholz.

Lexoni edhe këtë: Policia gjermane: I dyshuari për sulmin në festival u dorëzua dhe e pranoi krimin
Tre njerëz u vranë dhe tetë të tjerë u plagosën në sulmin e së premtes së kaluar në një shesh në qendrën e qytetit të Solingenit.

I dyshuari 26 vjeç, i cili është me origjinë nga Siria, u dërgua në paraburgim me urdhër të gjykatës, raporton agjencia gjermane DPA.

Lexoni edhe këtë: Sulmi me thikë në Gjermani, “akt i mundshëm terrorizmi” - sipas zyrtarit gjerman.
Sulmuesi, i cili dyshohet se është anëtar i grupit terrorist të Shtetit Islamik, raportohet se ishte parashikuar të dëbohej në Bullgari pas mbërritjes në Gjermani në vitin 2022, por policia nuk arriti ta lokalizonte atë./REL





Lajmet e fundit nga