web counter
LEXO PA REKLAMA!

SHKARKO APP

App Store
Google Play

Sulme mes Izraelit dhe Hezbollahut/ Lëshohen më shumë se 320 raketa, 1 viktimë

25 Gusht 2024, 08:52, Kosova & Bota CNA
Sulme mes Izraelit dhe Hezbollahut/ Lëshohen më shumë se 320
Foto ilustruese

Hezbollahu njoftoi se ka lëshuar më shumë se 320 raketa drejt Izraelit duke synuar 11 objekte ushtarake në pjesën veriore të vendit, raporton "BBC". 

Grupi theksoi se po fillon një operacion "në shkallë të gjerë" dhe ka dërguar dronë, si dhe raketa Katyusha drejt Izraelit.

Nga ana tjetër ushtria izraelite bën me dije se ka kryer sulme parandaluese kundër objektivave të Hezbollahut në Liban pasi zbuloi planet për të nisur një sulm të gjerë.

Sipas ushtrisë izraelite rreth 100 avionë luftarakë goditën dhe shkatërruan mijëra fuçi raketahedhëse të Hezbollahut që synonin Izraelin verior.

Ministri i Mbrojtjes, Yoav Gallant, ka shpallur një gjendje të jashtëzakonshme 48-orëshe në të gjithë Izraelin.

SHBA-ja ka dyfishuar mbështetjen e saj për Izraelin, me Pentagonin dhe Sekretarin e Mbrojtjes të SHBA-së, Lloyd Austin, që ripohojnë angazhimin e Uashingtonit për mbrojtjen e Izraelit.

Ndërkohë një person është vrarë pasi një sulm izraelit goditi një makinë në qytetin jugor të Libanit, Khiam, sipas Ministrisë së Shëndetësisë të Libanit./CNA 





Lajmet e fundit nga