web counter
LEXO PA REKLAMA!

SHKARKO APP

App Store
Google Play

E fundit!

x

Ngjarja e rëndë në Gjermani, autoritetet: Nuk përjashtohet mundësia për një sulm terrorist

24 Gusht 2024, 16:53, Kosova & Bota CNA

Ngjarja e rëndë në Gjermani, autoritetet: Nuk përjashtohet

Zyrtarët në Gjermani kanë deklaruar se nuk mund të përjashtojnë motivet terroriste lidhur me sulmin me thikë në një festival, ku mbetën të vrarë tre persona dhe u plagosën tetë të tjerë, katër prej të cilëve ndodhen në gjendje të rëndë.

Lidhur me ngjarjen e rëndë, policia ka mundur të vërë në pranga një 15-vjeçari si autor të dyshuar.

Policia dhe prokurorët në një konferencë për shtyp të shtunën pasdite, thanë se po hetojnë mundësinë që adoleshenti të ketë folur me sulmuesin.

I riu dyshohet se kishte dijeni paraprakisht për sulmin dhe nuk e kishte denoncuar atë në polici.

Ai u ndalua mëngjesin e sotëm pasi dy gra raportuan se kishin dëgjuar një bisedë mes 15-vjeçarit dhe dikujt tjetër, teksa diskutonin për sulmin.

Prokurori Markus Caspers u shpreh se autoritetet janë ende në kërkim të motiveve dhe në kërkim të një autori mashkull.

Nuk ka asnjë lidhje të qartë midis njerëzve që u sulmuan dhe autorit thanë autoritetet, duke shtuar më shumë dyshimet për një sulm terrorist. /CNA





Lajmet e fundit nga