web counter
LEXO PA REKLAMA!

SHKARKO APP

App Store
Google Play

E fundit!

x

Tre viktima dhe 7 persona nga sulmi me thikë në festivalin gjerman

24 Gusht 2024, 08:43, Kosova & Bota CNA

Tre viktima dhe 7 persona nga sulmi me thikë në festivalin gjerman

Autoritetet gjermane kanë bërë me dije se tre persona janë vrarë dhe katër të tjerë janë plagosur rëndë në një sulm me thikë në qytetin perëndimor gjerman të Solingenit.

Sulmi ndodhi gjatë një festivali në qendër të qytetit të premten në mbrëmje. Mësohet se sulmuesi është ende i lirë.

Media gjermane Bild thotë se një burrë goditi rastësisht kalimtarët. Një aksion i madh, me helikopterë të policisë po zhvillohet për kapjen e agresorit.

Qyteti industrial po festonte 650-vjetorin e themelimit.

Sulmuesi besohet të ketë goditur me thikë në qafë viktimat, raportojnë mediat gjermane.

Sipas mediave gjermane zëdhënësi i policisë Aleksandër Kresta tha se: "momentalisht po supozojmë se ishte një person" pasi biseduam me shumë dëshmitarë okularë.

Policia tha gjithashtu se ata "nuk kanë të dhëna për vendndodhjen e tij", as detaje rreth pamjes së tij.

Në një deklaratë në Facebook, kryetari i bashkisë së Solingenit Tim Kurzbach shkruan: "Sonte të gjithë ne në Solingen jemi në tronditje, tmerr dhe trishtim të madh. Të gjithë donim të festonim përvjetorin e qytetit tonë së bashku dhe tani duhet të mbajmë zi për të vdekurit dhe të plagosurit”./ CNA





Lajmet e fundit nga