web counter
LEXO PA REKLAMA!

SHKARKO APP

App Store
Google Play

E fundit!

x

Rusia mbetet furnizuesja më e madhe e naftës në Kinë

20 Korrik 2022, 14:39, Kosova & Bota CNA
Rusia mbetet furnizuesja më e madhe e naftës në Kinë
Foto ilustruese

Në qershor, për të dytin muaj me radhë, Rusia ishte furnizuesja kryesore e Kinës me naftë, teksa blerësit po shmangin blerjen e naftës së papërpunuar të Arabisë Saudite, duke shfrytëzuar furnizimet me çmim të lirë që po ofron Moska.

Sipas të dhënave të tregut, të prezantuara nga "Reuters" më 20 korrik, importet kineze të naftës ruse ishin 7.29 milionë tonë në qershor apo pothuajse 10 për qind më shumë krahasuar me një vit më parë. Sasia e naftës ruse ishte për mbi 2 tonë më shumë sesa që Kina ka blerë nga Arabia Saudite, furnizuesja tradicionale me naftë e Pekinit.

Me konsumatorët perëndimorë që po shmangin naftën nga Rusia për shkak të pushtimit të Ukrainës, Moska u është drejtuar tregjeve në Azi dhe gjetkë për të mbushur boshllëkun.

Bloomberg raportoi më 19 korrik se India ka importuar pothuajse 1 milion fuçi naftë në ditë në muajin qershor. Ky shtet më herët pothuajse nuk kishte import të naftës ruse.

Sipas raportimeve, dërgesat me naftën e papërpunuar në Kinë kanë ngecur në javët e fundit, një shenjë se Azia mund të mos jetë e pajisur që të absorbojë krejtësisht naftën ruse, ashtu siç pritej.

Të dhënat, po ashtu, tregojnë se importet e Kinës për gazin e lëngshëm natyror të Rusisë arritën në 52.530 tonë, që paraqet vëllimin e dytë më të madh mujor që nga viti 2021.

Rusia i ka ndërprerë furnizimet për disa shtete europiane sepse ato po refuzojnë që të paguajnë naftën ruse me rubla.

Perëndimi ka vendosur sanksione ndaj Rusisë për shkak të luftës në Ukrainë dhe ka larguar Moskën nga institucione financiare dhe sisteme të pagesave ndërkombëtare./REL





Lajmet e fundit nga