web counter
LEXO PA REKLAMA!

SHKARKO APP

App Store
Google Play

E fundit!

x

Reputacioni i Dubait në rënie/ Zbehet shkëlqimi i qytetit të luksit

27 Prill 2026, 12:26, Kosova & Bota CNA

Reputacioni i Dubait në rënie/ Zbehet shkëlqimi i qytetit të

Lufta në Iran ka sjellë pasoja për të gjithë botën, por ato më kritiket i kanë ndier vendet fqinje që dikur konsideroheshin parajsa mbi tokë.

Konflikti ka sjellë një largim të personave të pasur duke zbehur kështu reputacionin e Dubait, si një strehë për elitën globale dhe një qytet simbol i luksit. 

Në Dubai ka qendra tregtare boshe, rrugë të zbrazëta dhe hotele që kanë përgjysmuar çmimet apo janë mbyllur fare. Një nga këta të fundit është hoteli Burj Al Arab, i famshëm në të gjithë botën për dizajnin e tij në formën e një varke me vela. Departamenti i rezervimeve tha se hotelet po mbyllen për një vit për “rinovim”. 

Çmimet kanë rënë dhe hotelet luksoze tani ofrojnë qëndrime me çmime të krahasueshme me hotelet me kosto të ulët në Europë.

Park Hyatt Dubai po përballet me dhoma bosh dhe shkurtime të mundshme të stafit. Në një hotel tjetër luksoz, Raffles Dubai ka po ashtu përdorim minimal të ambienteve.

Mbyllja e Ngushticës së Hormuzit është një tjetër shkak që ka çuar në trafik më të lehtë, aktivitet të reduktuar turistik dhe vonesa në planet e zhvendosjes, së bashku me largimet e disa banorëve me pasuri të lartë neto nga Dubai.

Marrëveshjet e pasurive të paluajtshme janë pezulluar dhe shumë të huaj po fillojnë të vënë në dyshim qëndrimin në Dubai për një kohë të gjatë.

Edhe nëse sulmet me raketa dhe dronë ndalen, rreziku i vazhdueshëm i një Irani armiqësor do të vazhdojë të përbëjë një kërcënim serioz për stabilitetin e rajonit. /CNA





Lajmet e fundit nga