web counter
LEXO PA REKLAMA!

SHKARKO APP

App Store
Google Play

E fundit!

x

Regjistrimi i popullsisë në Kosovë/ Lista Serbe: Nuk do të marrim pjesë

5 Prill 2024, 09:51, Kosova & Bota CNA
Regjistrimi i popullsisë në Kosovë/ Lista Serbe: Nuk do të
Foto ilustruese

Lista Serbe ka thënë të premten se serbët e Kosovës nuk do të marrin pjesë në regjistrimin e popullsisë në Kosovë, për t'i dërguar "mesazh të qartë" kryeministrit kosovar, Albin Kurti.

Regjistrimi i popullsisë, ekonomive familjare dhe banesave në Kosovë do të zhvillohet nga data 5 prill deri më 17 maj.

Lista Serbe – partia më e madhe e serbëve të Kosovës që e gëzon edhe mbështetjen e Beogradit zyrtar – e akuzoi kryeministrin e Kosovës, Albin Kurti, për “shtypjen shumëvjeçare të serbëve” në Kosovë.

“Të nderuar qytetarë, duke pasur parasysh represionin shumëvjeçar të regjimit të Albin Kurtit ndaj popullit tonë në ‘Kosovë dhe Metohi’, me qëllim të spastrimit etnik të gjithçka që është serbe nga këto treva, dëshirojmë t'i dërgojmë një mesazh të qartë Albin Kurtit dhe ata që e mbështesin atë se populli serb nuk do të marrë pjesë në regjistrimin e rrejshëm të ardhshëm në organizatën e tij, me të cilën ai dëshiron të konfirmojë suksesin e tij të turpshëm në dëbimin e serbëve”, tha Lista Serbe në "Facebook"./REL





Lajmet e fundit nga