web counter
LEXO PA REKLAMA!

SHKARKO APP

App Store
Google Play

E fundit!

x

Arrestohen 340 protestues prokurdë në Turqi

4 Prill 2024, 15:45, Kosova & Bota CNA
Arrestohen 340 protestues prokurdë në Turqi
Protestat në Turqi

Autoritetet turke arrestuan 340 persona në të gjithë vendin për pjesëmarrjen e tyre në protestat që u zhvilluan, pasi u anulua zgjedhja e kandidatit për kryebashkiak të partisë prokurde DEM, në qytetin juglindor turk Van.

Arrestimet u bënë të ditura nga ministri i Brendshëm, Ali Gerlikaya, në një postim në rrjetet sociale, duke sqaruar se operacionet policore u kryen njëkohësisht në 14 qytete në Turqinë juglindore, jugore dhe perëndimore.

Ministri i Brendshëm turk kishte njoftuar dje edhe 89 arrestime të tjera për të njëjtën arsye.

Të mërkurën, Komisioni Suprem Zgjedhor e pranoi kundërshtimin e DEM-it dhe i dha emërimin për kryetar komune Van kandidatit të kësaj partie, Abdullah Zeidan.

Megjithatë, vendimi është i përkohshëm dhe do të rishikohet kur të përfundojnë procedurat gjyqësore nëse ai rifitoi të drejtat e tij civile pasi u dënua për akuzat për propagandë për një organizatë terroriste, konkretisht PKK.

Abdullah Zeidan u zgjodh në zgjedhjet komunale të së dielës me 55.51% kundër kandidatit të Partisë për Drejtësi dhe Zhvillim (AKP) në pushtet Abdullahat Arvas, i cili mori 27.15% të votave./ CNA





Lajmet e fundit nga