web counter
LEXO PA REKLAMA!

SHKARKO APP

App Store
Google Play

Sulmi terrorist/ Rusia akuzon si organizatore SHBA, Gjermaninë dhe Francën

3 Prill 2024, 16:55, Kosova & Bota CNA
Sulmi terrorist/ Rusia akuzon si organizatore SHBA, Gjermaninë dhe
Parlamenti rus

Prokuroria e Përgjithshme e Rusisë dërgoi në SHBA, Gjermani, Francë dhe Qipro, pyetjet e një grupi deputetësh të Dumës së Shtetit në lidhje me organizimin nga SHBA dhe vendet e tjera perëndimore të sulmeve terroriste kundër Federatës Ruse. 

Kjo gjë është bërë e ditur nga shërbimi për shtyp i Zyrës së Prokurorit të Përgjithshëm për agjencinë ruse të lajmeve TASS. 

Gjithashtu, burime në Nikosia e përshkruajnë lëvizjen e Moskës si provokuese pasi prokuroria e vendit fshihet pas tre anëtarëve të parlamentit rus, të cilët nuk njihen për seriozitetin e tyre.

Ata janë Andrei Krasov i partisë Rusia e Bashkuar së Putin, Nikolai Kharitonov i Partisë Komuniste dhe Yana Landratova e partisë Rusia e Drejtë. Këtyre të treve u bashkohet edhe këshilltari i njohur i së djathtës ekstreme së Putin, Alexander Dugin, dhe ish-deputeti pro-rus i Ukrainës, Andrey Derkats.

Këta persona u kishin bërë thirrje autoriteteve ruse të hetojnë përfshirjen e mundshme të personave dhe mekanizmave të vendosur jashtë vendit në organizimin dhe financimin e akteve terroriste në territorin e Federatës Ruse, si dhe në hedhjen në erë të tubacioneve të gazit natyror Nord Stream- 1 dhe Nord Stream-2, pa shpjeguar se si vendet e tjera mund të përfshihen.

Autoriteti Mbikëqyrës i prokurorëve rusë shprehu në deklaratën e tij shpresën se "kolegët nga këto vende do t'i qasen me mirëbesim" shqyrtimit të këtyre kërkesave dhe "do të përmbushin detyrimet e vendosura ndaj tyre nga Konventa Ndërkombëtare për Ndalimin e Financimit të Terrorizmit". Akti i vitit 1999 dhe Konventa Ndërkombëtare për dënimin e Bombave Terroriste të vitit 1997 për të hetuar informacionin e dhënë, ndihmojnë në mbledhjen e provave të nevojshme për hetimin”./ CNA





Lajmet e fundit nga