web counter
LEXO PA REKLAMA!

SHKARKO APP

App Store
Google Play

Qëndroi 276 ditë në orbitë, rikthehet në tokë anija kozmike

8 Maj 2023, 12:16, Kosova & Bota CNA

Qëndroi 276 ditë në orbitë, rikthehet në tokë

Pas 276 ditësh në orbitë, një anije kozmike kineze është rikthyer në tokë. Kthimi i kësaj anije u bë pas përfundimit të një misioni të rëndësishëm, që synonte të testonte teknologjinë e ripërdorshme hapësinore të Kinës.

Por më shumë autoritetet nuk kanë dhënë asnjë detaj se për çfarë bëhet fjalë, dhe mbi të gjitha se çfarë teknologjie është testuar, sa lart ka fluturuar dhe në çfarë trajektore ka fluturuar anija që kur u lëshua në hapësirë në gusht të vitit të kaluar.

Ky testim shënon një arritje “të rëndësishme” për teknologjinë e ripërdorshme të anijeve kozmike të Kinës, që do të ofrojë një mënyrë më të lirë dhe më të përshtatshme për përgatitjen e misioneve të reja hapësinore, raportoi media shtetërore kineze.

Më 2021-shin, një anije e ngjashme kozmike kishte fluturuar në hapësirë dhe ishte kthyer në Tokë në po të njëjtën ditë, por edhe atëbotë autoritetet kineze nuk dhanë detaje të misionit.

Komentatorët në rrjetet sociale kineze kanë spekuluar se Pekini po zhvillon një anije kozmike sikurse modeli amerikan X-37B, një avion i pavarur hapësinor që mund të qëndrojë në orbitë për vite të tëra.

Një anije e tillë amerikane u kthye në Tokë nëntorin e vitit të kaluar, pasi kishte qëndruar në orbitë për më shumë se 900 ditë.

 

 





Lajmet e fundit nga