web counter
LEXO PA REKLAMA!

SHKARKO APP

App Store
Google Play

Presidenti Putin mbërrin në Korenë e Veriut nën masa të rrepta sigurie, pritet nga udhëheqësi Kim Jong Un

18 Qershor 2024, 21:24, Kosova & Bota CNA
Presidenti Putin mbërrin në Korenë e Veriut nën masa të
Vladimir Putin, Kim Jong Un. Burimi: AFP

Presidenti rus, Vladimir Purin ka mbërritur në Korenë e Veriut, duke filluar zyrtarisht vizitën e tij të parë pas 24 vitesh. Sipas mediave të huaja, lajmin e ka konfirmuar vetë Kremlini zyrtar, që thotë se Presidenti rus mbërriti në kryeqytetin e vendit, Phenian, ku do të zhvillojë vizitën e tij dyditore.

Putin u prit në aeroport nga udhëheqësi i Koresë së Veriut Kim Jong Un, sipas RIA Novosti. Pjesë e delegacionit të tij janë Ministrin e Mbrojtjes Andrei Belousov, Ministrin e Jashtëm Sergei Lavrov dhe krerët e agjencisë ruse të hapësirës.

Në një urdhër presidencial të lëshuar mjë ditë më parë, Putin tha se Moska po kërkon të nënshkruajë një “traktat gjithëpërfshirës të partneritetit strategjik” me Korenë e Veriut.

Të dy liderët pritet të përdorin këtë udhëtim për të treguar lidhjet e forta midis Rusisë dhe Koresë së Veriut. Këshilltari politik i Putinit, Yuri Ushakov, ka sinjalizuar gjithashtu se të dy vendet mund të nënshkruajnë një partneritet sigurie.

Ndërkohë komuniteti ndërkombëtar ka ngritur alarmin në lidhje me udhëtimin e tij. Sekretari i përgjithshëm i NATO-s, Jens Stoltenberg, tha se aleanca ushtarake ishte e shqetësuar për mbështetjen që Rusia mund të sigurojë për programet raketore dhe bërthamore të Koresë së Veriut.

Ndërkohë një avion luftarak shoqëroi avionin e Putinit kur ai fluturoi mbi Rusi për në qytetin lindor të Siberisë, Yakutsk. Ky është rasti i parë i raportuar i shoqëruar nga avionë ushtarakë brenda vendit, sipas gazetës investigative Agentstvo.





Lajmet e fundit nga