web counter
LEXO PA REKLAMA!

SHKARKO APP

App Store
Google Play

Tragjedi në brigjet italiane/ Mbyten 2 anije, 11 viktima dhe 60 persona të zhdukur

18 Qershor 2024, 08:16, Kosova & Bota CNA
Tragjedi në brigjet italiane/ Mbyten 2 anije, 11 viktima dhe 60 persona
Foto e marrë nga "BBC"

Të paktën 11 persona kanë humbur jetën dhe më shumë se 60 të tjerë janë zhdukur si pasojë e mbytjes së dy anijeve në brigjet e Italisë jugore.

Organizata gjermane RESQSHIP ka bërë me dije se u nxorën 51 persona nga një anije që po fundosej dhe gjeti 10 trupa të bllokuar në kuvertën e poshtme pranë ishullit Lampedusa të hënën.

Më shumë se 60 persona u raportuan të zhdukur, ku 26 prej tyre dyshohet se ishin fëmijë, tha Médecins Sans Frontières (MSF).

Anijet ishin me emigrantë që ishin nisur nga Libia dhe Turqia, thanë agjencitë e OKB-së.

Të mbijetuarit e mbytjes së anijes pranë Lampedusa-s iu dorëzuan rojës bregdetare italiane dhe u nxorën në breg mëngjesin e së hënës.

Anija ishte nisur nga Libia dhe mbante emigrantë nga Siria, Egjipti, Pakistani dhe Bangladeshi, tha në një deklaratë të përbashkët agjencia e OKB-së për refugjatët UNHCR, Organizata Ndërkombëtare për Migracionin (IOM) dhe agjencia e OKB-së për fëmijë UNICEF.

Anija tjetër e mbytur ndodhej rreth 125 milje larg brigjeve të Kalabrisë në Italinë jugore, thanë agjencitë./ CNA





Lajmet e fundit nga