web counter
LEXO PA REKLAMA!

SHKARKO APP

App Store
Google Play

E fundit!

x

Përplasje mes bandave në Meksikë, mbi 10 të plagosur

18 Dhjetor 2023, 09:25, Kosova & Bota CNA
Përplasje mes bandave në Meksikë, mbi 10 të plagosur
Foto ilustruese

Persona të armatosur sulmuan një grup njerëzish që ishin mbledhur në një festë Krishtlindjesh në qytetin Salvattiera në shtetin Guanajuato në Meksikën qendrore, duke lënë të vrarë mbi 10 persona. 

Prokuroria e Shtetit njoftoi se katër persona të tjerë janë vrarë nga të shtënat në qytetin e Salamanca-s, pa specifikuar rrethanat e sulmit.

Mediat lokale raportuan se sulmi vdekjeprurës në Salvatierra u krye të dielën në mëngjes, teksa qytetarët ishin në përfundim të një feste. 

Shteti i Guanajuato ka qenë prej kohësh skena e konflikteve të përgjakshme midis kartelit të drogës Jalisco dhe bandave lokale të mbështetura nga karteli Sinaloa, dhe prej kohësh ka numrin më të lartë të regjistruar të vrasjeve në atë pjesë të Meksikës.

Gjithashtu të dielën, në vendpushimin bregdetar të Karaibeve të Tulum, tre burra u qëlluan për vdekje dhe katër të tjerë u plagosën në një sulm në një kafene, konfirmuan autoritetet.

Prokuroria e Shtetit ka bërë të ditur se nga hetimet paraprake ka rezultuar se të shtënat mesa duket janë shkaktuar “për shkak të mosmarrëveshjes lidhur me shitjen e drogës”./CNA





Lajmet e fundit nga