web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimet për rritjen e çmimit të energjisë elektrike/ Qytetarët e Prishtinës në protestë

6 Shkurt 2026, 21:27, Kosova & Bota CNA

Paralajmërimet për rritjen e çmimit të energjisë

Qytetarë të shumtë kanë protestuar ditën e sotme në Prishtinë kundër rritjes së paralajmëruar të çmimit të energjisë elektrike. Me pankarta dhe thirrje kundërshtuese, protesta nisi pranë objekteve të KEDS-it dhe KESCO-s, kompanitë përgjegjëse për distribuimin dhe furnizimin me energji elektrike.

Shkak për protestën është kërkesa e KESCO-s drejtuar Zyrës së Rregullatorit për Energji për rritjen e çmimit të energjisë elektrike me mbi 21 për qind për vitin 2026, ndërsa vendimi pritet të merret gjatë muajit prill.

Gjatë protestës pranë objektit të KEDS-it, një person u arrestua nga Policia e Kosovës pas hedhjes së flakadanëve. Më pas, protestuesit marshuan drejt Zyrës së Rregullatorit për Energji, ku kërkuan që kompanitë e energjisë t’i kthehen pronësisë shtetërore.

Në përfundim, protesta vijoi pranë objektit të Qeverisë së Kosovës, ku u kërkua ndalimi i çdo përpjekjeje për shtrenjtimin e mëtejshëm të energjisë elektrike, ndërsa protestuesit vendosën pankarta me mesazhe kundër rritjes së çmimeve dhe asaj që e cilësuan si abuzim me faturat e energjisë. /CNA





Lajmet e fundit nga