web counter
LEXO PA REKLAMA!

SHKARKO APP

App Store
Google Play

E fundit!

x

BE përgatit paketën e 20-të të sanksioneve kundër Rusisë/ Ja cilët sektorë synohen

6 Shkurt 2026, 19:29, Kosova & Bota CNA

BE përgatit paketën e 20-të të sanksioneve kundër

Bashkimi Evropian ka bërë publike propozimet për paketën e 20-të të sanksioneve ndaj Rusisë, të cilat prekin sektorët e energjisë, shërbimeve financiare dhe tregtisë.

Paketa parashikon ndalimin e plotë të shërbimeve detare për transportin e naftës bruto ruse, si dhe shtimin e 43 anijeve të tjera në listën e të ashtuquajturës “flotë në hije” të Kremlinit, bëri të ditur presidentja e Komisionit Evropian, Ursula von der Leyen.

Masat e reja përfshijnë edhe shtrëngimin e kufizimeve të eksportit nga Rusia, si dhe ndalime të reja importi për metale, kimikate dhe minerale kritike, me vlerë mbi 570 milionë euro.

Gjithashtu, sanksionet do të shtrihen ndaj kompanive dhe platformave që lehtësojnë tregtinë e kriptomonedhave, ndërsa 20 banka të tjera rajonale ruse do t’i shtohen listës së zezë.

“Rusia do të ulet në tryezën e bisedimeve vetëm nëse i bëhet presion. Kjo është e vetmja gjuhë që ajo kupton”, deklaroi von der Leyen.

Propozimi duhet të miratohet nga të 27 shtetet anëtare të BE-së përpara se të hyjë zyrtarisht në fuqi. Kujtojmë se paketa e 19-të e sanksioneve, e cila synonte flotën në hije dhe ndalonte importet e gazit natyror të lëngshëm, hyri në fuqi në muajin nëntor. /CNA





Lajmet e fundit nga