web counter
LEXO PA REKLAMA!

SHKARKO APP

App Store
Google Play

Papa Leo XIV: Rajoni i Lindjes së Mesme ka nevojë për paqe

25 Qershor 2025, 16:34, Kosova & Bota CNA

Papa Leo XIV: Rajoni i Lindjes së Mesme ka nevojë për paqe

Gjatë Audiencës së Përgjithshme të së Mërkurës, Papa Leo XIV kujtoi sulmin terrorist në kishën Mar Elias në Damask, Siri, të tre ditëve më parë. Ai ia besoi viktimat mëshirës së Zotit dhe ofroi lutjet e tij të vazhdueshme për ata që u plagosën dhe familjet e tyre.

Duke iu drejtuar të gjithë të krishterëve në Lindjen e Mesme, Papa shprehu solidaritetin e tij me ta.

“Unë jam pranë jush dhe e gjithë Kisha është me ju. Ky sulm i fundit nxjerr në pah brishtësinë e thellë që Siria vazhdon të përjetojë pas viteve të paqëndrueshmërisë dhe dhunës”,-tha Papa.

Papa Leo i bëri thirrje bashkësisë ndërkombëtare që të mos e largojë shikimin nga ky vend. Përkundrazi, vazhdoi ai, ajo duhet të ofrojë mbështetje përmes akteve të solidaritetit dhe një angazhimi të ripërtërirë për paqen dhe pajtimin.

Papa bëri thirrje edhe një herë për t’i dhënë fund dhunës në rajon dhe përsëriti nevojën për paqe, duke iu referuar fjalëve të profetit Isaia: “Një komb nuk do ta ngrejë shpatën kundër një kombi tjetër, as nuk do të mësojnë më luftën.”/CNA





Lajmet e fundit nga