web counter
LEXO PA REKLAMA!

SHKARKO APP

App Store
Google Play

Armëpushimi mes Iranit dhe Izraelit/ Rutte vlerëson Trump-in: Jeni njeri i forcës

25 Qershor 2025, 15:34, Kosova & Bota CNA

Armëpushimi mes Iranit dhe Izraelit/ Rutte vlerëson Trump-in: Jeni

Sekretari i Përgjithshëm i NATO-s, Mark Rutte, ka shprehur vlerësimin për rolin e presidentit të SHBA Donald Trump në armëpushimin mes Iranit dhe Izraelit.

“Dua vetëm të vlerësoj veprimin tuaj vendimtar ndaj Iranit. Ju jeni një njeri i forcës, por edhe një njeri i paqes. Gjithashtu dua t’ju përgëzoj për faktin që keni pasur sukses në arritjen e armëpushimit midis Izraelit dhe Iranit, i cili është i rëndësishëm për të gjithë botën”, deklaroi Rutte.

Sa i përket rritjes së investimeve në fushën e mbrojtjes Rutte u shpreh se, është një vendim i rrënjosur në misionin kryesor dhe është i nevojshëm për të financuar planet dhe përgatitjen e mbrojtjes.

 “Për një kohë shumë të gjatë, Shtetet e Bashkuara kanë mbajtur barrën kryesore brenda Aleancës, por kjo mbaron sot. Ne kemi një plan konkret që të gjithë aleatët do t’i kushtojnë 5% të PBB-së së tyre mbrojtjes. Ky vendim është thellësisht i rrënjosur në misionin tonë kryesor dhe është i nevojshëm për të financuar planet dhe përgatitjen tonë të mbrojtjes. Dhe do të sigurojë që të gjithë të kontribuojnë në mënyrë të barabartë në sigurinë tone”, tha Rutte.

Nga ana tjetër presidenti i SHBA, Donald Trump deklaroi se është krah NATO-s gjatë gjithë kohës./ CNA





Lajmet e fundit nga