web counter
LEXO PA REKLAMA!

SHKARKO APP

App Store
Google Play

Netanyahu: Izraeli mund të qëndrojë i vetëm nëse SHBA-ja ndalon dërgesat e armëve

10 Maj 2024, 07:48, Kosova & Bota CNA
Netanyahu: Izraeli mund të qëndrojë i vetëm nëse
Benjamin Netanyahu

Benjamin Netanyahu ka thënë se Izraeli mund t’ia dalë i vetëm pasi SHBA-ja paralajmëroi se mund të ndalojë dërgesat e armëve nëse urdhërohet pushtimi i plotë i Rafah-ut në Gaza.

"Nëse do të na duhet, do të qëndrojmë vetëm. Unë kam thënë se nëse është e nevojshme do të luftojmë me thonj," tha ai.

Presidenti i SHBA-së, Joe Biden, tha se do të ndalonte disa armë, duke përfshirë predha artilerie nëse Rafah pushtohej.

Shtetet e Bashkuara kanë ndaluar tashmë një dërgesë bombash nga frika e vdekjeve të civilëve.

Megjithatë, Netanyahu të enjten kujtoi luftën e vitit 1948 për të hedhur poshtë paralajmërimet nga SHBA-ja, aleati më i afërt i Izraelit.

"Në Luftën e Pavarësisë 76 vjet më parë, ne ishim të paktët kundër të shumtëve," tha ai.

"Ne nuk kishim armë. Kishte një embargo armësh ndaj Izraelit, por me forcë të madhe shpirti, heroizëm dhe unitet mes nesh, ne fituam”.

Yoav Gallant, ministri i Mbrojtjes i Izraelit, ndërkohë tha se armiqtë e Izraelit, si dhe miqtë më të mirë duhet të kuptojnë se vendi nuk mund të nënshtrohet.

“Ne do të qëndrojmë të fortë, do t'i arrijmë qëllimet tona".

Komentet erdhën disa orë pasi OKB-ja tha se më shumë se 80,000 njerëz ishin larguar nga Rafah-u që nga e hëna në mes të bombardimeve të vazhdueshme dhe ndërsa tanket izraelite grumbulloheshin pranë zonave të ndërtuara.

OKB-ja paralajmëroi gjithashtu se ushqimi dhe karburanti po mbaronin për më shumë se një milion që ende strehohen në qytet, sepse nuk po merrte ndihmë përmes vendkalimeve aty pranë.

Trupat izraelite morën kontrollin dhe mbyllën kalimin Rafah me Egjiptin në fillim të operacionit të tyre, ndërsa OKB-ja tha se ishte shumë e rrezikshme që stafi dhe kamionët e saj të arrinin në vendkalimin e rihapur Kerem Shalom me Izraelin./ CNA





Lajmet e fundit nga