web counter
LEXO PA REKLAMA!

SHKARKO APP

App Store
Google Play

Netanyahu: E gjithë Gaza do të kalojë nën kontrollin e Izraelit

21 Maj 2025, 22:09, Kosova & Bota CNA

Netanyahu: E gjithë Gaza do të kalojë nën kontrollin e

Kryeministri izraelit Benjamin Netanyahu është shprehur se ndoshta Izraeli ka vrarë udhëheqësin e Hamasit, Mohammed Sinwar.

Sipas mediave të huaja, komentet Netanyahu i bëri përmes një konference për shtyp, ku tha se nëse ka një mundësi për një armëpushim të përkohshëm dhe një marrëveshje për shkëmbimin e pengjeve, Izraeli do të jetë i hapur për këtë.

Por ai thotë: "I gjithë Rripi i Gazës do të jetë nën kontrollin e sigurisë së Izraelit", shkruan A2 CNN.

Një sulm ajror izraelit në një spital në Gazën jugore shënjestroi Sinwarin në fillim të këtij muaji, por vdekja e tij nuk ishte konfirmuar deri më tani as nga Izraeli dhe as nga Hamasi.

Duke iu referuar konfliktit në territor, Netanyahu tha gjithashtu se "në fund të fundit të gjitha pjesët e Gazës do të jenë nën kontrollin izraelit", shkruan A2 CNN.

Ai përmendi sulmet e mëparshme të Izraelit kundër Huthëve, Hezbollahut dhe Iranit.

Netanyahu thotë se shpreson që një marrëveshje me SHBA-në do ta ndalojë Iranin të bëhet një fuqi bërthamore.

"Shteti i Izraelit ruan të drejtën për të mbrojtur veten nga një regjim që dëshiron ta eliminojë atë", tha ai më tej.





Lajmet e fundit nga